Өглөө.мн Шинэ өглөө, Шинэ мэдээлэл
ЮНЕСКО-д соёлын биет бус өвөөр бүртгэгдсэн хөөмэйн урлагийг дэмжих, Монголын ард түмэнд Япон дууг түгээн дэлгэрүүлэх зорилготой уралдааныг “Эндо Минорү”, “Цэндийн Батчулуун” сантай хамтран зохион байгуулахаар болжээ.
Уралдаан ирэх наймдугаар сарын 8-нд болох бөгөөд бүртгэл нь энэ сарын 1-нээс долдугаар сарын 15 хүртэл Улсын филармонийн байранд явагдана. 16-35 насны хөөмэйн урлагийг сонирхогч болон мэргэжлийн уран бүтээлчид оролцох боломжтой ажээ.
Хөөмэйчдийн хувьд ардын урлагаа сурталчилахын зэрэгцээ дэлхийн сонгодог бүтээлүүдийг ч олны хүртээл болгодог. Тэгвэл энэ удаа зохион байгуулагчдын зүгээс нэг орны дууг хөөмэйлэхийг санал болгож буй нь уран бүтээлчдийн авьяасыг хөгжүүлэх, арлын Японд хөөмэйн урлагийг сурталчилахад чухал нөлөө үзүүлэх юм.
