“The Asia-Pacific Woman Entrepreneur Award” шагналыг М.Оюундэлгэр хүртлээ

Ази, Номхон далайн Худалдаа, аж үйлдвэрийн танхимуудын холбоо (CACCI)-оос тус бүс нутгийн шилдэг бизнес эрхлэгч эмэгтэйд олгодог “The Asia-Pacific Woman Entrepreneur Award” шагналыг Монгол Улсаас “Монолаб” ХХК-ийн гүйцэтгэх захирал М.Оюундэлгэр хүртлээ.

“Монолаб” ХХК нь лабораторийн шинжилгээ, туршилт судалгаа, эмнэлгийн хэрэгсэл, тоног төхөөрөмж, лабораторийн оношлуур, урвалж ханган нийлүүлэх чиглэлээр үйл ажиллагаа явуулдаг бөгөөд Ковид-19 цар тахлын хүнд нөхцөл, хэрэгцээ шаардлагатай үед тус компани нийгмийн хариуцлагын хүрээнд 200 сая төгрөгийн өртөг бүхий оношлуурыг эрүүл мэндийн салбарт хандивлаж байсан юм.

Дээрх шагналыг 2022 оны 11 дүгээр сарын 28, 29-ний өдөр Австрали Улсын Мэлбоурн хотод болсон Ази, Номхон далайн худалдаа, аж үйлдвэрийн танхимуудын холбооны 36 дугаар хуралдааны үеэр олгосныг Гишүүнчлэлийн газрын дарга Ц.Магнайбаатар гардууллаа.

Санал болгох мэдээ

Дотоодын цэрэг өндөр чадвартай хөдөлгөөнт хүчинтэй болно

Монгол Улсын Ерөнхийлөгч, Зэвсэгт хүчний Ерөнхий командлагч Ухнаагийн Хүрэлсүх Дотоодын цэргийн байгууллагад ажиллалаа. Үндэсний аюулгүй …