Өглөө.мн Шинэ өглөө, Шинэ мэдээлэл
Казахстаны Алмата хотод пауэрлифтингийн хэвтээ шахалтын ДАШТ болж байна. Тэмцээнд манай улсаас гавьяат дасгалжуулагч Д.Баттулгын удирдлага дор 18 тамирчин өрсөлдөж байна.
Тэгвэл тэмцээний эхний өдөр ахмадын 70-аас дээш насны ангиллын 59 кг-ын жинд Орхон аймгийн тамирчин Ш.Пэрэнлэй алтан медаль хүртэж, төрийн дууллаа эгшиглүүлэв. Тэрбээр цээжнээс 75 кг-ыг шахсанаар дэлхийн аварга болсон байна.
Ахмад тамирчин Ш.Пэрэнлэй нь дэлхийн хошой аварга болж буй бөгөөд өнгөрсөн жилийн тэмцээнд түрүүлж байв.
Өчигдөр ДАШТ-ийн +120 кг-ын жинд Б. Чимэдцэрэн алтан медаль хүртэж, төрийн дууллаа эгшиглүүллээ.
Тэрбээр тус жинд цээжнээс 367.5 кг-ыг амжилттай шахсанаар дэлхийн аварга болсон юм. Б.Чимэдцэрэн дэлхийн хошой аварга болж буй бөгөөд өмнө нь 2018 оны ДАШТ-ээс алт, 2021 оны ДАШТ-ээс мөнгөн медаль хүртэж байв.
Мөн Азийн АШТ-ий гурван удаагийн аварга, дэлхийн дээд амжилт эзэмшигч юм.
