Жүдо бөхийн “Их дуулга” тэмцээнээс Б.Хорлоодой, Э.Ариунболд, Г.Болор-Очир нар хүрэл медаль хүртлээ

Олон улсын жүдо бөхийн холбоо /IJF/-ны ээлжит цуврал “Парис-2021” Их дуулга тэмцээн өнгөрсөн амралтын /2021.10.16-17/ өдрүүдэд болж шилдгүүдээ шалгаруулав.

Монгол Улсаас 22 тамирчин тус тэмцээнд өрсөлдөж эмэгтэйчүүдийн 52 кг-ын жинд Б.Хорлоодой, эрэгтэйчүүдийн 60 кг-д Э.Ариунболд, 81 кг-д Г.Болор-Очир нар тус тус Парисын Их дуулгын хүрэл медаль хүртэв.

Мөн шагналт байрт 5 тамирчин шалгарсан төдийгүй эмэгтэй дээд жинд А.Адъяасүрэн, О.Цэцэнцэнгэл, Ц.Энхчимэг тэргүүтэй дөнгөж 20 нас гарч буй залуу жүдочид сайн барилдлаа.

Япончууд нийт 7 алт, 2 мөнгө, 2 хүрэл медаль хүртэж багийн дүнгээрээ 45 орныг тэргүүлэв. Харин тэдний араас 3 алт, 2 мөнгөн медальтай Орос, 2 алт, 1 хүрэл медальтай Израил, 1 алт, 1 хүрэл медальтай Португал, Азербайжан тэргүүтэй орнууд удаалжээ.

Монголын тухайд 3 хүрэл медаль, таван шагналт байр гэсэн амжилттай 13 дугаар байрт жагсав.

Холбоотой мэдээлэл

Comments are closed.