Чөлөөт бөхийн ДАШТ-д оролцсон тамирчид эх орондоо ирлээ

Норвеги улсын нийслэл Осло хотод зохиогдсон Осло-2021 чөлөөт бөхийн дэлхийн аварга шалгаруулах тэмцээнд оролцсон баг тамирчид өнөөдөр эх орондоо ирлээ. Тамирчид энэ удаагийн тэмцээнээс нийт 6 хүрэл медаль хүртсэнээс 3 медалийг хилчин спорт хорооны тамирчид авчирсан юм.

Дэлхийн аварга шалгаруулах тэмцээнд “Хилчин” спорт хорооноос 79 кг-д Б.Бат-Эрдэнэ, 125 кг-д М.Лхагвагэрэл, 55 кг-д Э.Сумъяа, 57 кг-д Э.Даваачимэг, 62 кг-д Э.Гантуяа, 76 кг-д Н.Загардулам гээд нийт 6 тамирчин оролцсон юм.

Дэлхийн аваргын тэмцээнд оролцсон баг тамирчдыг Хилчин спорт хороо, Хилийн 0208 дугаар тусгай салбарын удирдлага хамт олон угтан хүлээн авлаа.

“Хилчин” спорт хорооны тамирчин ОУХМ М.Лхагвагэрэл Монголын багийн анхны хүрэл медалийг авчрахын зэрэгцээ Монголын чөлөөт бөхийн түүхэнд дэлхийн дэвжээнээс хамгийн хүнд жингийн анхны медалийг авчирсан юм.

Тэгвэл эмэгтэйчүүдийн 62 кг-ын жинд ОУХМ Э.Гантуяа Монголын баг тамирчдын гурав дахь хүрэл медалийг хүртсэн. Харин “Mongolia Open” ОУТ-ий дөрвөн удаагийн аварга ОУХМ Э.Даваачимэг Олимпын жин болох 57 кг-ийн жинд хүрэл медаль хүртэж, тус жинд Монгол Улсаас медаль хүртсэн анхны эмэгтэй тамирчин болсноороо онцлог байлаа.

Ийнхүү “Осло-2021”-д оролцсон хилчин тамирчид 3 хүрэл медаль хүртэж, Монголын чөлөөт бөхийн түүхэнд хоёр шинэ амжилт гаргалаа.

Холбоотой мэдээлэл

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.