Токиод эмэгтэйчүүдэд зориулсан “Унтаж амрах” кафе нээгджээ
Японы нийслэл Токио хотноо үдийн цайны цагаараа унтахыг хүссэн эмэгтэйчүүдэд зориулсан “Nap Café Corne” нэртэй кафе нээгджээ.
Тус кафе зөвхөн эмэгтэйчүүдэд үйлчлэх бөгөөд үйлчлүүлэгч бүсгүйчүүд тус кафед яг л гэртээ байгаа мэт тухтай байж болох гэнэ. Тэнд цай, хоолоор үйлчлэн унтах буйдан, дэр хөнжил гээд бүхнийг бэлдсэн байгаа аж. Энэ сарын 19-ны өдөр нээгдсэн ч маш олон үйлчлүүлэгчтэй болоод буй кафед амрахдаа 10 минут тутам 150 йен буюу 1,5$ төлөх юм байна.
