Г.Занданшатар:Эх оронч, шударга Ерөнхийлөгчийг сонгож чадлаа

Монгол Улсын Ерөнхийлөгчийн найм дахь удаагийн сонгууль өчигдөр /2021.06.09/ боллоо. Энэ удаагийн сонгуульд МАН-аас У.Хүрэлсүх, АН-аас С.Эрдэнэ, “Зөв хүн-Электорат” эвслээс Д.Энхбат нар нэр дэвшин өрсөлдлөө.

Урьдчилсан дүнгээр нийт сонгогчдын 67.8 хувийн саналыг МАН-аас нэр дэвшигч У.Хүрэлсүх аваад байна.

Тэгвэл УИХ-ын дарга Г.Занданшатар сонгуулийн урьдчилсан дүн мэдээтэй холбогдуулан байр сууриа илэрхийллээ.

Тэрбээр “Үндсэн хуулийн нэмэлт өөрчлөлтийн үр дүнгээр анхны төрийн тэргүүнээ сонгох сонгуульдаа Монголын ард түмэн идэвхтэй оролцлоо. Сонгогчдын 59 хувь нь саналаа өгнө гэдэг саналаа өгсөн иргэн та монгол төрийнхөө хөгжил дэвшилд үнэтэй хувь нэмэр оруулсан гэсэн үг.

Сонгогчдын ирц хүрэхгүй байх вий, дахин сонгууль болох вий гэж түгшиж байснаа нуугаад яахав. Сайн цаг сайхан ирээдүйн төлөө сонголтоо хийсэн сонгогч та бүхэндээ баярлалаа.

Эвийн хүчээр эвлэлдсэн нэг санаа, зорилготой, нэгдмэл үзэлтэй Ерөнхийлөгч, Улсын Их Хурал,Засгийн газартай байх цаг үеийн шаардлагын дагуу эх оронч, шударга Ерөнхийлөгчийг сонгож чадлаа.

УИХ-ын даргын хувьд монгол төрийн эв нэгдэл хийгээд ардчилал, шударга ёсыг хангахад хичээн зүтгэх болно”гэлээ.

Холбоотой мэдээлэл
1 Comment
  1. erka says

    za ene 2 niileed ahiad bankni olon ter bumaar togloh baihda yanaa hulgaichuud tolgoi deer gardag muu er umaa utaa buuruulsan geh um ene humuus chni hiih estoi ajilaa hiisen hiine gej garch irsen neeh burhan buugaad irsen um shig hutsah um nobshnuud

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.