Видео:С.Ганбаатар МАХН-ын гишүүнчлэлээс татгалзлаа
УИХ-ын гишүүн, МАХН-ын гишүүн С.Ганбаатар намаасаа гарч байгаагаа өнөөдөр /2021.04.29/ мэдэгдлээ.
Тэрбээр 2017 оны тавдугаар сарын 16-нд МАХН-д элссэн. Үндсэн хууль болон Улс төрийн намын тухай хуульд заасны дагуу МАХН-ын гишүүнчлэлээс гарч буйгаа албан ёсоор мэдэгдэж, намын батлахаа гардуулан өглөө.
УИХ-ын гишүүн С.Ганбаатар “Би МАХН-д 2017.05.16-нд элссэн. Үндсэн хууль, Улс төрийн намын тухай хууль заасны дагуу МАХН-ын гишүүнчлэлээс өнөөдөр гарч буйгаа албан ёсоор мэдэгдэж байна.
Эрх баригчидтай хамтран шударга тэмцэж, бие биедээ хань болж, дэм болж явсан МАХН-ын журмын нөхөд, удирдлага хамт олондоо сайн сайхныг хүсч байна. Аргагүйн эрхэнд Эрдэнэт, Оюутолгой, Тавантолгойд сандайлаад суусан Монголын баялгийг цуслан идэж байгаа МАН-тай нийлэх боломжгүй учраас аргагүй ийм шийдвэр гаргалаа.
УИХ-д Эрдэнэтчүүдийнхээ дуу хоолой, байр суурийг өндөрт өргөнө. Эрдэнэтчүүд эрх баригчдыг хянаарай, ард түмэндээ дэм болоорой гэж намайг сонгосон. МАН-ын 62 суудлыг 63 болго гэж Эрдэнэтчүүд надад санал өгөөгүй. Эрдэнэтчүүдийнхээ эрх ашгийн төлөө тууштай ажиллах болно” гэв.
