Чөлөөт бөхийн “Токио-2020” олимпын наадмын эрх олгох дэлхийн тэмцээнд манай 5 бөх оролцоно

“Токио-2020” зуны олимпын наадамд Ази тивээс олимпын эрх олгох тэмцээн болон Ази тивийн аварга шалгаруулах 2021 оны чөлөөт бөхийн тэмцээнд оролцохоор Казахстан улсыг манай улсын чөлөөт бөхийн багш дасгалжуулагч, тамирчид нийлээд 43 хүний бүрэлдэхүүнтэй зорьсон юм.

Хоёр тэмцээний дараа манай баг тамирчид эх орондоо ирсэн бөгөөд тавдугаар сарын 6-наас 9-нд Болгарын Софи хотноо болох “Токио-2020” олимпын наадмын эрх олгох дэлхийн тэмцээнд оролцохоор манай 5 бөх, 3 дасгалжуулагч Казахстан улсад үлдэж бэлтгэл сургуулилтаа хийж байна.

Энэхүү тэмцээнд оролцох Монгол улсын багийн бүрэлдэхүүн:

Б. Баттулга – Шигшээ багийн ахлах дасгалжуулагч

А. Цэдэнсодном – Монгол Улсын гавьяат дасгалжуулагч, Шигшээ багийн эрэгтэй багийн дасгалжуулагч,

Ө. Ууганбаяр – Шигшээ багийн эмэгтэй багийн дасгалжуулагч

Тэмцээнд оролцох бөхчүүд :

57 кг -ийн жинд Насанд хүрэгчдийн дэлхийн аварга шалгаруулах тэмцээний хошой хүрэл медальт, Монгол улсын гавьяат тамирчин Э.Бэхбаяр

74 кг -ийн жинд 23 хүртэлх насны дэлхийн аварга шалгаруулах тэмцээний хүрэл медальт, Олон улсын хэмжээний мастер Б.Бямбадорж

86 кг- ийн жинд Насанд хүрэгчдийн дэлхийн аварга шалгаруулах тэмцээний мөнгөн медальт, Монгол улсын гавьяат тамирчин П.Өнөрбат

97 кг -ийн жинд Азийн танхимын наадмын хүрэл медальт, Олон улсын хэмжээний мастер Ч.Алтангэрэл

Эмэгтэйчүүдийн 62 кг-ийн жинд Чөлөөт бөхийн “Poland Open”, “Иван Яригин” олон улсын тэмцээний аварга, Олон улсын хэмжээний мастер Х.Болортуяа

Холбоотой мэдээлэл

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.