Монгол сурагчийн бүтээл Канагавагийн дэлхийн хүүхдийн урлагийн үзэсгэлэнд шалгарчээ

Япон улсад зохион байгуулагдсан Канагавагийн Дэлхийн Хүүхдийн Урлагийн үзэсгэлэнгийн 2021 оны бүтээл шалгаруулах уралдааны шагналт байранд Говь-Алтай аймгийн Есөнбулаг сумын 3-р сургуулийн 10А ангийн сурагч Бямбасэнгийн Лочингийн зураг шагналт байранд шалгарсан байна.

Тус үзэсгэлэнд манай улсаас есөн хүүхдийн бүтээлийг илгээсэн байна.
1981 оноос хойш хоёр жил тутам зохиогдож ирсэн уг үзэсгэлэнгийн энэ удаагийн шалгаруулалтад дэлхийн 56 орны нийт 8062 бүтээл ирснээс “Канагавагийн шагнал” нэртэй шагналт байранд ийнхүү Монгол хүүхдийн бүтээл багтсан бөгөөд шалгарсан бүтээлүүдэд сертифкат олгож үзэсгэлэнд байршуулдаг байна.
Японы нийслэл Токио хотоос холгүй оршдог Канагава мужид болдог энэ үзэсгэлэнд дэлхийн өнцөг булан бүрээс ирсэн хүүхдүүдийн бүтээлүүдийг дэлгэн үзүүлдэг бөгөөд энэ үйл ажилллагааны зорилго нь маргаашийн удирдагч манлайлагчид болсон хүүхдүүдийн бүтээлч байдал хүсэл мөрөөдлийг уран зургаар дамжуулан харуулахад оршдог. Мөн энэхүү үзэсгэлэн нь энэ ертөнц дээрх янз бүрийн амьдралын хэв маяг, соёлын ялгаатай байдлыг ойлгуулахад чухал ач холбогдолтой байдаг аж.

Холбоотой мэдээлэл
2 Comments
  1. Zochin says

    Mundag bna bayar hurgii

    1. Anonymous says

      Баярлалаа

Reply To Zochin
Cancel Reply

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.