Монгол улсын Ерөнхийлөгч Х.Баттулга 58 нас хүрлээ

Өнөөдөр Монгол улсын Ерөнхийлөгч Х.Баттулга 58 нас хүрч байна.

Тэрээр самбо бөхийн дэлхийн аварга шалгаруулах тэмцээнд гурван удаа оролцож алт, мөнгө, хүрэл медаль хүртэж байсан гавьяат тамирчин цолтой нэгэн. 1982 онд Дүрслэх урлагийн дунд сургуулийг зураач мэргэжлээр төгсч, мэргэжлээрээ найман жил ажиллажээ. Энэ үедээ анхны гэргий Ц.Энхтуяатай танилцаж, хоёр хүүхэдтэй болсон.

1990 оноос эхлэн бизнесийн  салбарт хүч үзэж, “Женко” ХХК-иа босгож, Ерөнхий захирлын суудал хашиж эхлэв. Үүнээс хойш “Баянгол зочид буудал”, “Мах Импекс” ХК-д Гүйцэтгэх захирлын албан тушаал хашсаар 2004 онд УИХ-ын гишүүн болж, улс төрийн замналаа эхлүүлсэн байдаг. Ийн улс төрийн тогоонд буцалж, хүчтэй бизнесмэн, чамлахааргүй хатуу улстөрч гэдгээ батлан харуулсаар УИХ-ын гишүүнээр гурван удаа сонгогдож, 2017 онд Монгол улсын Ерөнхийлөгчөөр тодорсон билээ.

Холбоотой мэдээлэл

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.