МУГТ М.Уранцэцэг Доха Мастерсаас хүрэл медаль хүртлээ

Катарын Дохад эхэлсэн жүдо бөхийн Мастерс тэмцээний эхний өдөр манай хоёр тамирчин хүрэл медалийн төлөө шалгаран үлдлээ.

 Жин тус бүрийн чансааны эхний 32-т эрэмбэтэй дэлхийн шилдгүүд чуулсан тус тэмцээний эмэгтэйчүүдийн -48 кг-ын жинд барилдсан дэлхийн аваргын алт, мөнгө, хүрэл медальт Монгол Улсын гавьяат тамирчин М.Уранцэцэг, “С” хэсэгт орж эхний тойрогт хийлж, дараагийн тойрогт  ОХУ-ын Ирина Долговатай таарсан ч өрсөлдөгч нь эхний тойрогт шагайндаа авсан бэртлийн улмаас барилдах боломжгүй болжээ.

Улмаар манай тамирчин группийн аваргын төлөө Украины жүдоч дэлхийн хошой аварга Дарья Белодедидтай барилдаж, цэвэр ялагдаад дагах барилдаанд олимп, дэлхийн аварга Аргентины Паула Парето аваргыг ялснаар хүрэл медалийн төлөө барилдахаар болсон юм.

Хүрэл медалийн төлөө тэрбээр Францын Меланье Клементетэй барилдаж гарт өчиж цэвэр ялснаар спортын агуу замналдаа дахин нэг медаль нэмлээ.

М.Уранцэцэг Мастерс тэмцээнд нэг түрүүлж, нэг хүрэл медаль хүртэж байлаа. Түүний IJF World Tour тэмцээнүүдэд үзүүлсэн амжилтыг /15 алт, 13 мөнгө, 16 хүрэл/ Гиннесийн номд албан ёсоор бүртгээд байгаа билээ.


Холбоотой мэдээлэл
1 Comment
  1. Anonymous says

    ААААААААААААААААА ХЭ ХЭ ЯЯЯЯЯЯЯЯЯ Ясны МОНГОЛ тамирчин. Таньд эрүүл энх аз жаргал, ажлын их амжилт хүсье, Юу санасан есөн цагаан хүсэл тань сэтгэлчлэн бүтэж яваг ээ,

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.