Монголын жүдочид Будапештэд газардлаа

Олон улсын жүдо бөхийн холбоо буюу IJF-ийн Дэлхийн цуврал тэмцээн энэ сарын 23-25-ны өдөр Унгарын нийслэл Будапешт хотод зохион байгуулагдахаар тов зарлагдсан билээ.

“Гран При”-гээс “Их Дуулга” ангилалд шилжсэн энэ тэмцээнд 5 тивийн 76 орны 538 жүдоч эрэгтэй 7, эмэгтэй 7 жинд 2 өдрийн турш өрсөлдөх бөгөөд IJF-ээс зарласан “Токио 2021” зуны олимпийн наадамд оролцох эрхийн оноо олгох гурван том тэмцээний нэг юм.

Манай улсын хувьд Гавьяат тамирчин М.Бундмаа, ОУХМ Б.Батгэрэл тэргүүтэй эмэгтэй 13, эрэгтэй 13, нийт 26 жүдоч зодоглохоор “Хүннү Айр” компанийн тусгай нислэгээр нисэж Будапешт хотод газардсан байна.

Шигшээ багийг Монгол Улсаас Унгар Улсад суух Онц бөгөөд Бүрэн Эрхт Элчин сайд, Монголын жүдо бөхийн холбооны дэд ерөнхийлөгч З.Батбаяр хүлээн авч угтжээ. Баг тамирчид, дасгалжуулагчид нисэх онгоцны буудалд газардсаны дараа коронавирусний шинжилгээнд хамрагдаад зочид буудалдаа байрлалаа гэж Монголын жүдо бөхийн холбооноос мэдээллээ.

Г.Нараа

Холбоотой мэдээлэл

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.