П.Наранбаяр:НИТХ-д гурвуулаа сонгогдсон ч бид 30 хүн шиг ажиллана

 Хөдөлмөрийн үндэсний нам /ХҮН/-ын гишүүд орон нутгийн сонгуулийн үр дүнтэй холбоотой асуудлаар өнөөдөр /2020.10.19/ Төрийн ордонд мэдээлэл хийлээ.

Мэдээллийн эхэнд УИХ-ын гишүүн Т.Доржханд ” Хөдөлмөрийн үндэсний нам   энэ удаагийн орон нутгийн сонгуульд нийслэл болон Дархан, Эрдэнэтэд илүүтэй төвлөрч ажилласан. 

Төр засгийн шийдвэр гаргах бүх шатанд бид төлөөлөлтэй боллоо. Биднийг дэмжсэн бүх хүнд баярлалаа. Манай нам аль ч шатанд бусад намтай хамтарч, эвсч ажиллахгүй. Эсрэгээрээ зөв зүйлийг нь дэмжээд, ажил хэрэгч байдлаар хандаж, холбогдох шаардлагаа тавьж ажиллана.

Бид хүндээ ээлтэй нийслэл, дүүрэгтэй болгох чиглэлд мөрийн хөтөлбөрөө хэрэгжүүлж шударга сөрөг хүчин байж ажиллах болно. Орон нутгийн сонгуулийг ач холбогдол өгдөггүй байдлаар хийж, хуулийг ч ийм байдлаар зохицуулж ирсэн байна.

Орон нутгийн сонгууль 50-иас дээш хувийн ирцтэй, түүнээс дээш гарахгүй бол дахин сонгууль явуулдаг байсан заалтыг хуулиас авч хаясан байна. Хэн илүү их намын бүтцээ ажиллуулсан, хэн нь илүү хүн зөөж санал өгсөн нь ялдаг систем рүү орж байна. Ардчиллыг, иргэдийг төлөөлөх эрх нь бүрэн хангагдаж байна уу. Гарч ирсэн төлөөллүүд нийт иргэдээ төлөөлж ажиллаж чадах уу гэдэг асуулт байна. ” гэж мэдэгдлээ.

Харин Хөдөлмөрийн үндэсний намын Нийслэлийн намын хорооны дарга П.Наранбаяр” Бид гурвуулаа НИТХ-д сонгогдсон. Гэхдээ 30 хүн шиг бид ажиллана. Түгжрэлийг шийдвэрлэхийн тулд бүх талаар хамтран ажиллана. Нийслэлийн төсвийг илүү тод, тодорхой, нээлттэй, шуурхай хүргэх тал дээр анхаарч ажиллана. Сөрөг хүчин яаж ажиллах ёстой вэ гэдгийг үзүүлнэ. Дөрвөн жилийн дараа шүүмжилдэг сөрөг хүчин байж болохгүй. Хуралдаан болгон дээр асуудлыг нь ярьж, зөв тийш нь чиглүүлдэг л байх ёстой гэж харж байна. Бид ингэж ажиллана. Хотын иргэнийхээ төлөө хамгийн их зүтгэдэг, хүнд хэцүүг нь үүрч, хариуцлагаа өөрөө үүрдэг хотын даргыг хүсч байна” гэлээ.

Г.Нараа

Холбоотой мэдээлэл
2 Comments
  1. Anonymous says

    Наранбаяр бид хамт нэг яаманд ажиллаж байсан. Японд боловсрол эзэмшсэн залуу. Шинэ үе сургуулийн захиралаар нилээд хэдэн жил ажиллаа. Одоо монголын залуу үеийг эх оронч, сайн төлөвшсөн иргэн болгон хүмүүжүүлэхэд өөрийн мэдлэг боловсролоо ашшиглах хэрэгтэй.

  2. Anonymous says

    Юу хийж бодож явдаг хүн бэ гэдэг нь цаг хугацаа ажил үйлсээр нь тодрон харагдана.Элбэгдорж мэт уран ярьдаг луйварчин биш байгаасай.

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.