Налайх дүүргийн 1-р тойрогт нэмэлт санал хураалт явуулахаар боллоо

Энэ удаагийн сонгуулийг хуульд оруулсан нэмэлт, өөрчлөлтийн дагуу ирцийн босгогүй, нийт санал өгсөн сонгогчдын олонхын санал авсан нь төлөөлөгчөөр сонгогдох зохицуулалтаар зохион байгууллаа.

Харин Налайх дүүргийн 1-р тойргийн 4 мандатад МАН болон АН-ын нэр дэвшигчдийн авсан саналын тоо тэнцсэн байна. Хуулийн дагуу нэмэлт санал хураалтыг 10 хоногийн дотор явуулах ёстой.

НИТХ-ын 45 мандатаас МАН 34 суудал, АН 8 суудал, ХҮН 3 суудал авсан бол нийслэлийн есөн дүүргийн ИТХ-ын 291 мандатаас МАН-201, АН-75, МАХН-10, МНН-1, Бие даагч 1 суудал авчээ.