“МУИС-ийн Захирлын нэрэмжит шагнал”-ыг МУИС-ийн Антропологи, археологийн тэнхимийн профессор М.Эрдэнэ хүртлээ

Монгол Улсын Засгийн газар, Улсын онцгой комисс, Боловсрол, шинжлэх ухааны яамнаас ирүүлсэн зөвлөмжийг баримталж Монгол Улсын Их Сургууль 2020-2021 оны хичээлийн шинэ жилээ цахим мэндчилгээгээр нээж байгаа билээ. МУИС-ийн хичээлийн шинэ жилийн нээлт дээр Web of Science мэдээллийн санд бүртгэлтэй мэргэжлийн сэтгүүлд хэвлүүлсэн бүтээлээс хамгийн өндөр импакт фактортой сэтгүүлд хэвлүүлсэн чансаа өндөр эрдэм шинжилгээний бүтээлийг шалгаруулан “МУИС-ийн Захирлын нэрэмжит шагнал” олгодог уламжлалтай.

Энэ удаагийн шагналыг МУИС-ийн ШУС-ийн НУС-ын Антропологи, археологийн тэнхимийн профессор М.Эрдэнэ “Dairy Pastoralism Sustained Eastern Eurasian Steppe Populations For 5000 Years” /Nature Ecology & Evolution, IF=12.54/ өгүүллээрээ хүртэж цом, 3 сая төгрөгийн шагналыг гардан авлаа.

“МУИС-ийн Захирлын нэрэмжит шагнал”-ыг өмнө нь байгалийн ухааны салбарын эрдэмтэн багш нар хүртэж байсан бол анх удаа Нийгэм, хүмүүнлэгийн салбараас М.Эрдэнэ профессор хүртлээ. Таны цаашдын судалгааны ажилд өндөр амжилт хүсье.

Санал болгох мэдээ

Дотоодын цэрэг өндөр чадвартай хөдөлгөөнт хүчинтэй болно

Монгол Улсын Ерөнхийлөгч, Зэвсэгт хүчний Ерөнхий командлагч Ухнаагийн Хүрэлсүх Дотоодын цэргийн байгууллагад ажиллалаа. Үндэсний аюулгүй …