Д.Нямхүү: Батлагдсан тохиолдол 140 байгаагаас эдгэрсэн нь 26 боллоо

Эрүүл мэндийн яамны ээлжит мэдээллээр манай улсад коронавирусийн тархалт нэмэгдсэн эсэх болон шинжилгээний хариуг хэллээ.

ХӨСҮТ-ийн захирал Д.Нямхүү “Өчигдөр дөрвөн лабораторид нийт 367 хүнд давтан шижилгээ хийхэд, бүх хариу сөрөг гарлаа. Үүнийг задалж хэлвэл, ХӨСҮТ-д тусгаарлагдаж байгаа 8, ажиглах байранд байгаа 315, тандалтын зорилгоор цуглуулсан 17,  Алтанбулагийн боомтоор орж ирсэн 27 жолоочийн шинжилгээнээс коронавирус илрээгүй.

Сайхан мэдээ байна. Өнөөдөр хоёр хүн эдгэрч, ХӨСҮТ-өөс дараагийн хяналт руу шилжиж байна.

Ингээд батлагдсан тохиолдол 140 байгаагаас эдгэрсэн нь 26 боллоо. Өнөөдрийн байдлаар ХӨСҮТ-д 182 хүн эмчилгээ болон хяналтад байна” гэв.

Холбоотой мэдээлэл

Comments are closed.