Унгар улсын сургуулиуд онлайн хэлбэрээр хичээлээ зааж байна

Коронавируст халдвар (COVID-19)-ын тархалтыг сааруулах зорилгоор Унгар Улсын Засгийн газар 2020 оны 03 дугаар сарын 11-ний өдөр онц байдал зарласан. Үүнтэй холбогдуулан аливаа байгууламжийн дотор 100-аас дээш, гудамжинд 500-гаас дээш хүн цуглахыг хориглосон бөгөөд бүх боловсролын байгууллагын үйл ажиллагааг түр зогсоож, боломжтой газруудад сургалтыг онлайн хэлбэрт шилжүүлэх шийдвэрийг гаргасан.

Өнөөдрийн байдлаар Унгар Улсын бүх их, дээд сургуулиуд онлайн хэлбэрээр хичээлээ зааж байна. Түүнчлэн дунд болон бага сургуулиуд цахим сүлжээ болон видео бичлэгээр хичээллэж байна. Сургалт цахим хэлбэрт шилжсэнтэй холбоотой олон хүүхэдтэй айл нэг зэрэг хүүхдүүдийн хичээлийг хийлгэх, интернет холболтгүй зэрэг хүндрэлүүд үүсгэж байгаа талаар холбогдох мэргэжилтнүүд, багш, эцэг эхчүүд мэдээлжээ.

Алслагдсан хөдөө, орон нутаг цахилгаангүй, интернетгүй улмаас ерөнхий боловсролын сургуулийн сурагчдын 20 хувь нь цахим сургалтад хамрагдаж чадахгүй байна гэсэн судалгаа гараад байна.

Ерөнхий боловсролын сургуулиуд гол төлөв дараах үнэ төлбөргүй платфорумуудыг ашиглаж байна. Үүнд: Microsoft Teams, Google Classroom, Zoom, Hangouts, Messenger, Quizlet, Discord, Edmodo зэрэг болох талаар Унгар дахь манай Элчин сайдын яамнаас мэдээлэв.

http://credit-n.ru/zaymi-na-kartu-blog-single.html http://credit-n.ru/offers-zaim/ekapusta-besplatniy-zaim.html

Санал болгох мэдээ

АНУ-ын Төрийн нарийн бичгийн дарга Энтони Блинкен Сар шинийн мэндчилгээ дэвшүүллээ

Америкийн Нэгдсэн Улсын Төрийн нарийн бичгийн дарга Энтони Блинкен Цагаан сарыг тохиолдуулан монголын ард түмэнд …