Энэтхэгт орон даяар хөл хорио тогтоолоо

Коронавирусний тархалттай тэмцэхийн тулд Энэтхэгийн 1.3 тэрбум хүнийг өнөөдрөөс эхлэн гурван долоон хоногийн хугацаанд хөл хорионд орууллаа гэж тус улсын Ерөнхий сайд Нарендра Моди мэдэгдлээ.

“Шөнө дундаас эхлэн улс орон даяар хөл хорио тогтооно. Энэтхэг улсыг, иргэн бүрийг, та бүхний гэр бүлийг аврахын тулд энэхүү шийдвэрийг гаргалаа” гэж Н.Моди мэдэгдсэн байна.

“Ирэх 21 хоногийн хугацаанд гэрээсээ гарч болохгүй бөгөөд хэрэв та уг дүрмийг зөрчвөл вирусийг гэртээ авчрах болно” гэж Ерөнхий сайд сүүлийн долоо хоногийн хугацаанд ард түмэндээ хандаж хоёр дахь удаагаа үг хэлэх үеэрээ тэмдэглэжээ.

Н.Моди сандрах шаардлага огт байхгүй гэдгийг онцлоод, холбогдох албаныхан үндсэн хэрэглээний нөөцийг тасалдуулахгүй байх нөхцөлийг хангахаар ажиллаж байгаа гэж хэлжээ. Мөн тэрбээр ганцхан буруутай үйлдэл хүртэл аминд халтай вирусийг ойн түймэр шиг тархахад хүргэж болзошгүй гэдгийг онцолсон байна.

Энэтхэгт коронавирусний халдварын 500 гаруй тохиолдол бүртгэгдэж, 10 хүн нас барсан байна. Мэргэжилтнүүдийн үзэж буйгаар, дэлхийд хүн амын тоогоороо хоёрдугаарт жагсдаг улсад зайнаас харилцах, хөл хорио тогтоох зэрэг хатуу арга хэмжээнүүдийг хэрэгжүүлэхгүй бол маш олон хүн халдвар авч болзошгүй ажээ. 

Эх сурвалж: montsame.mn

http://credit-n.ru/zaymi-nalichnymi-blog-single.html

Санал болгох мэдээ

АНУ-ын Төрийн нарийн бичгийн дарга Энтони Блинкен Сар шинийн мэндчилгээ дэвшүүллээ

Америкийн Нэгдсэн Улсын Төрийн нарийн бичгийн дарга Энтони Блинкен Цагаан сарыг тохиолдуулан монголын ард түмэнд …