Уран бүтээлчид студид үзэгчгүй тоглолтоо толилуулна

Олон улсын эмэгтэйчүүдийн эрхийг хамгаалах өдрийг тохиолдуулан “Увертюра” хамтлаг, МУСТА, дуучин Л.Чулуунбаатар, Д.Отгонжаргал, Т.Идэржавхлан, Н.Ундрал нарын хамтарсан “Studio Live” тоглолт энэ сарын 7-нд болно.

Тус тоглолтыг дуу бичлэгийн “Анир” студиэс санаачлан “Анир” студийн байрнаас анх удаа зохион байгуулах гэж байна.

Энэхүү онлайн тоглолтыг “Anir records”, “Uvertura hamtlag” гэсэн фэйсбүүк хуудас болон дээрх дуучдын өөрсдийн цахим хаягаас үзэгч танаа хүрэх юм.

Сонирхуулахад, тус тоглолтод дуулагдах бүх уран бүтээл амьд хөгжимтэйгөөр эгшиглэх гэж буйгаараа онцлог. Тиймээс сонсогч та бүхэн энэхүү тоглолтыг хаана байгаа газраасаа фэйсбүүкээрээ дамжуулж үзэх боломжтой аж.

Нэмж хэлэхэд, өдгөө үүсээд буй коронавирусний улмаас олон нийтийн бүх арга хэмжээг цуцлаад байгаа ч дээрх уран бүтээлчид нийгмийн хариуцлагынхаа хүрээнд цахим сүлжээгээр дамжуулж, ийнхүү уран бүтээлээ хүргэх гэж байгаа нь зөв шийдвэр юм.    

Дэлгэрэнгүй мэдээллийг “Anir records”, “Uvertura hamtlag” гэсэн фэйсбүүк хаягнаас хүлээн авна уу.

Холбоотой мэдээлэл

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.