МҮОХ-ноос Коби Брайантад эмгэнэл илэрхийллээ

ЭМГЭНЭЛ

“Бээжин-2008”, “Лондон-2012” Олимпийн аварга, Сагсан бөмбөгийн спортын домогт тамирчин Коби Бийн Брайант 41 насандаа зуурдаар таалал төгсөж, дэлхийн спорт сонирхогчид, Спорт-Олимпийн их гэр бүлд хүнд гарз тохиолоо.

Домогт тамирчин Коби Бийн Брайант нь АНУ-ын сагсан бөмбөгийн холбоо/NBA/-ны лигт “Лос-Анжелес Лэйкерс” багийн тоглогчоор 20 улирал тоглохдоо таван удаа аварга болж, 18 удаа бүх оддын тоглолтод сонгогдсон бөгөөд бүх цаг үеийн оноо авалтын дөрөвдүгээр бичигдэх амжилтыг үзүүлсэн билээ.

Түүний Спорт-Олимпизмийн их үйлсэд оруулсан хувь нэмэр, дэлхийн сая сая спорт сонирхогчид, хөгжөөн дэмжигчдийг байлдан дагуулсан түүний шилдэг тоглолтууд бидний сэтгэл зүрхэнд үүрд хоногшин үлдэх болно.

Түүний амжилтуудаас:
– “Бээжин-2008”, “Лондон-2012” Олимпийн аварга;

– АНУ-ын сагсан бөмбөгийн холбоо/NBA/-ны лигийн аварга- 2000, 2001, 2002, 2009, 2010 онуудад;

– Нэг тоглолтод хамгийн олон удаа гурван онооны шидэлт амжилттай гүйцэтгэсэн тоглогч /12 удаа/- 2003 он;

– Лигийн нийт тоглолтод 1500 оноо авсан хамгийн залуу тоглогч /27 нас/;

– Лигийн нийт тоглолтод 2000 оноо авсан хамгийн залуу тоглогч /29 нас/;

– Цагирган дээрээс довтлох үзүүлбэрийн хамгийн залуу аварга /18 нас/;

– Гарааны бүрэлдэхүүнд гарсан хамгийн залуу тоглогч /18 нас/; – Хамгийн үнэ цэнэтэй тоглогч /MVP/- 2007, 2009, 2010 онуудад;

Холбоотой мэдээлэл

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.