Гавьяат тамирчин М.Уранцэцэг Гиннесийн дээд амжилт тогтоолоо

ДАШТ-ий алт, мөнгө, хүрэл медальт, Гавьяат тамирчин М.Уранцэцэг Гиннесийн дээд амжилтын эзэн боллоо.
Баянхонгор аймгийн Баян-Овоо сумын харьяат тэрбээр 2010 оны арванхоёрдугаар сарын 17-ноос 2019 оны дөрөвдүгээр сарын 5-ны хооронд Олон улсын жүдо бөхийн холбоо (IJF)-ны цуврал тэмцээнүүд (Mастерс, Их дуулга, гран при)-ээс хамгийн олон буюу 11 алт, 11 мөнгө, 23 хүрэл медаль хүртсэнийг Гиннесийн дээд амжилтад БҮРТГЭЖЭЭ.

“Хүч” спорт хороо, “Женко” клуб, “Visa team” багийн тамирчин М.Уранцэцэг энэ жил ДАШТ-ээс гурав дахь медалиа хүртэн, дэлхийн дэвжээнээс алт, мөнгө, хүрэл медаль авсан Монголын анхны жүдоч болсон юм.