“Хүүхэд бүрд цэвэр ус” төслийг дэмжин хамтран ажиллах гэрээ байгууллаа

Боловсрол, соёл, шинжлэх ухаан спортын яам Мобиком Корпорациас санаачилсан “Хүүхэд бүрд цэвэр ус” төслийг дэмжин хамтран ажиллахаар гэрээ байгууллаа. Гэрээнд Боловсрол, соёл, шинжлэх ухаан, спортын яамны Төрийн нарийн бичгийн дарга Б.Баярсайхан, Мобиком Корпорацийн Ерөнхий захирал Тацуяа Хамада нар гарын үсэг зурлаа.

Монгол Улсад 600.000 гаруй хүүхэд ерөнхий боловсролын сургуульд суралцаж байгаагийн 46 хувь нь цэвэр усны хангамжгүй нөхцөлд сурч боловсорч байна. Бохир гар, шаардлага хангаагүй ундны ус нь халдварт өвчний эх үүсвэр болдог. Түүнээс гадна хүүхэд цэвэр усны хэрэглээ багатай буюу бидний хэлдгээр шингэний дутагдалтай байх нь дархлааны систем муудах, анхаарал сулрах, биеийн болон тархины үйл ажиллагаа удаашрах, толгой өвдөх зэрэг сөрөг үр дагаврууд үүсгэж, сурагчдын хичээл сурлагад нөлөөлдөг байна.

Энэхүү эрсдэлтэй байдлыг арилгахын тулд Мобиком Корпораци нийгмийн хариуцлагынхаа хүрээнд “Хайр түгээе” нэртэй төсөл эхлүүлээд байна. Тодруулбал, “Хайраар цэнэглэе”  картын орлогын 10 хувь хүүхэд бүрд цэвэр ус хэрэглэх боломж бүрдүүлэхэд зориулагдах юм байна.

Санал болгох мэдээ

Тайваний Боловсролын яамнаас 13 оюутанд тэтгэлэг олгохоор боллоо

Тайваний Боловсролын яамнаас 2024 оны хичээлийн жилд 13 Монгол оюутанд тэтгэлэг олгохоор боллоо. Тайваньд бакалавр, …