ЭХЭМҮТ-д гурван ихэр хүүхэд мэндэлжээ
Энэ оны анхны гурван ихэр хүүхэд 2019 оны нэгдүгээр сарын 8-нд Эх хүүхдийн эрүүл мэндийн үндэсний төвд мэндэлжээ.
Тодруулбал, Өмнөговийн Хүрмэн сумын харьяат С.Мөнхбаяр, Ө.Энхмандах нарын гэр бүлд гурван ихэр хүүхэд мэндэллээ. Ө.Энхмандах гурав дахь төрөлтөөрөө ийнхүү хоёр хүү, нэг охин төрүүлсэн бөгөөд өмнө нь хүү, охин хоёртой байжээ.Эх, хүүхдүүдийн биеийн байдал сайн байгааг тус эмнэлгээс мэдээлэв.