Нийслэл рүү түүхий нүүрс оруулахгүй байх тогтоол гаргалаа

Засгийн газар хуралдаж, 2019 оны 5-р сарын 15-наас нийслэл рүү түүхий нүүрс оруулахгүй байх тогтоол гаргалаа.

Тогтоолд: 

1. Улаанбаатар хотын Баянзүрх, Чингэлтэй, Сүхбаатар, Баянгол, Хан-Уул, Сонгинохайрхан дүүргийн нутаг дэвсгэрт үйл ажиллагаа явуулж байгаа цахилгаан, дулааны эрчим хүч үйлдвэрлэх тусгай зөвшөөрөлтэй аж ахуйн нэгжээс бусад иргэн, аж ахуйн нэгж, байгууллагууд түүхий нүүрс хэрэглэхийг 2019 оны 05 дугаар сарын 15-ны өдрөөс эхлэн хориглосугай.

2. Түүхий нүүрсний хэрэглээг хязгаарлахтай холбогдуулан сайжруулсан түлшний эрэлт, нийлүүлэлт болон үнийн тэнцвэрт байдлыг хангах асуудлыг судапж 2018 оны 07 дугаар сарын 01-ний өдрийн дотор шийдвэрлэхийг Сангийн сайд Ч.Хүрэлбаатар, Байгаль орчин, аялал жуулчлалын сайд Н.Цэрэнбат, Эрчим хүчний сайд Ц.Даваасүрэн, Нийслэлийн Засаг дарга бөгөөд Улаанбаатар хотын Захирагч С.Батболд нарт тус тус даалгасугай.

3. Тогтоолын хэрэгжилтэд хяналт тавьж ажиллахыг Байгаль орчин, аялал жуулчлалын сайд Н.Цэрэнбат, Эрчим хүчний сайд Ц.Даваасүрэн, Нийслэлийн Засаг дарга бөгөөд Улаанбаатар хотын Захирагч С.Батболд, Мэргэжлийн хяналтын Ерөнхий газрын дарга Н.Цагаанхүү нарт тус тус даалгасугай гэжээ.

Холбоотой мэдээлэл
4 Comments
  1. Nergyi says

    Nuurs oruulahgyi bh nehtsel ne hangagdsan yum bh daa .tulshgyi humuus modruu dairah bh daa

  2. зочин says

    Түлээ оруулахгүй,түүхий нүүрс оруулахгүй иргэд бид одоо яах вэ,ядаж байхад хүүхдүүд нялхаараа байдаг

  3. зочин says

    налайхын нүүрс үнэхээр чанаргүй болсон. авчирч зарж байгаа хүмүүс шигшихээ байгаад хогтой нь хутгаад хийдэг болсон банйа лээ. ямарч хяналт байхгүй. хурдан шиг стандартын шаардлага хангасан чанартай түлш бэлтгэдэг үйлдвэртэй болмоор байна.тэгвэл иргэддээ эдийн засгийн ч ашигтайгаас гадна утааны асуудал шийдэгдэх байх. муу нүүрс болохоор их түлээд утаа их гараад байгаа юм

  4. Мангар says

    Маш зөв өвөл сайн дулаалаад хувцастайгаа унтацгаая,гал түлэхгүй бол утаа гарахгүйшдээ

Comments are closed.