60 тэрбумынхан 75-аар бууж өглөө

Ж.Эрдэнэбатын Засгийн газар унах нь нэгэнт тодорхой болов. Хэдхэн хоногийн дараа УИХ-ын ээлжит бус чуулган хуралдана.   Энэхүү чуулганы үеэр МАН-ын 31 гишүүн дээр АН-ын  гишүүнд нэмэгдэж,  МАН-ын бүлгийн хурал дээр гар өргөхөөс татгалзсан 7 гишүүн нэгдэж,  Засгийн газрыг огцруулахаар улс төрийн зураг аль эрт зурагджээ. Гэвч “60 тэрбум”-ынхан огцрохоос, албан тушаалаа алдахаас үхтлээ айцгааж байна. Өөрсдийнхөө болж бүтэхгүй байгааг өнгөцхөн ч гэсэн далдаж, хэвлэлийнхний амыг боож, намын гишүүдээ айлгаж  сүрдүүлж, намаас хөөнө гэж заналхийлж байсан Ж.Эрдэнэбатын Засгийн газар одоо 75-аар бууж өгч, тохиролцооны ширээний ард суух, чадвал албан тушаалтайгаа, эс чадвал хариуцлагаас мултраад өнгөрөх гэж улаарч эхэлжээ. Тэд У.Хүрэлсүх рүү өдөр, шөнөгүй залгаж, Ц.Нямдоржийг аргадаж, тойлж, Засгийн газрыг огцруулах бичигт гарын үсэг зурсан 31 гишүүнийг нэг, нэгээр нь дуудаж уулзан, албан тушаал, эрх мэдэл, тендер амалж,  хүссэн бүхнийг  чинь биелүүлнэ хэмээн  үлгэрт гардаг “Алтан загас”-ны дүрд хувилчихсан явна.  Албан тушаалд дуртай “60 тэрбум”-ынхан эхлээд Засгийн газраас   50 хувийн суудлыг өөртөө авна хэмээн томорч байсан бол сүүлдээ өнөөх тоо нь 30 хувь болтлоо бууж, албан тушаалын наймааг ямар ч үнээр хамаагүй хийхэд бэлэн гэж ам алджээ.

Ямартай ч “60 тэрбум”-ынхан  айж байна. Гэхдээ тэд айсан, буусан байх нь хамаагүй. Концессын гэрээ нэрээр хувьдаа 800 гаруй тэрбум төгрөгийн гэрээ авч, улс  орныг эдийн засгийн хямралд унагаж, сонгогч олны итгэлээр, намынхаа нөхдийн зүтгэлээр тоглосон Ж.Эрдэнэбат, Д.Бямбацогт, Н.Номтойбаяр, А.Цогцэцэг, Д.Чойжилсүрэн нар хариуцлага хүлээх ёстой. Хэрвээ өнөөдөр эдгээр концессчидтой эвлэлдэж, нэгдэж, тэдэнтэй тохиролцоо хийвэл Монголд  дахиад л хуйвалдааны төр бий болно. МАН 65 суудал авсныхаа горыг эдэлж, ханаж цаддаггүй баячуудад  төрийн эрхийг бариулсныхаа шанг хүртэж  2020 оны сонгуульд ялагдал хүлээнэ.  Энэ бол тэдний өнөөдөр хийх гээд байгаа тохиролцооны эцсийн үр дүн нь.

Харин тэдний тохиролцоо иргэдэд яаж тусах вэ? Энэ орны хувь заяанд яаж үлдэх вэ гэдэг асуудал өөр. Ганцхан жилийн дотор 800 гаруй тэрбум төгрөгийн гэрээг халаасалсан сайд нэртэй албан тушаалын наймаачид  гурван жилийн  дараа энэ улс орныг газар шороотой нь, хүн зонтой нь зарж идэж магадгүй нь гэсэн айдас хүйдэс төрүүлж байна. Тиймээс МАН-ынхан өнөөдөр хэн нэгэнтэй тохиролцох бус харин тойрч суугаад адгийн шааруудаа хөөж явуулаад, албан тушаалынхаа наймаачидтай хариуцлагаа тооцоод, төрийг төр шиг байлгах цаг л үлдээд байна. У.Хүрэлсүх, Ц.Нямдорж нар улс орны хувь заяа, ард түмний эрх ашиг, намынхаа  нэр хүндээр тохиролцохгүй байлгүй дээ  гэж итгэх л үлдэв.

Эх сурвалж: www.shudarga.mn

Холбоотой мэдээлэл
7 Comments
  1. ганбаа says

    60 тэрбум хэрэг шиийтгэгдэх хэрэгтэй, Хүрэхсүхийг намын нүүрцай болгон 20 оны сонгууль оролцуулах хэрэг намын гишүүд бүгд хүрэлсүхд итгэж байна

  2. ганбаа says

    МАН нам ялагдалд хүрсэн шалгаан нь 60 хэрэг байсан , ман-г цэвэрлэх бүх зүйлыг төлөө өөрийгөө үл хайрлан тэмцсэн ХҮРЭЛСҮХ намын дарга болох ёстой, хүрэлсүх МАН ХЭЗЭЭЧ УРВААгүй тэрийг энхболдч мэднэ би мэднэ ман бүх гишүүд мэднэ бид итгэж байна. Хүрэлсүхээс өөр НАМ УДИРДАХ хүн байхгүй

  3. Туул says

    60 тэрбумын бүлгээс салахын тулд Засгийн газрыг бүрэн бүрэлдэхүүнээр нь огцруулж өөрчлөхийн чухлыг МАН-ын мянга мянган гишүүд дэмжигчид ч хүсч хүлээж байна.

  4. Anonymous says

    Хуралаа хийдэггүй хурал гэж юу байдаг юм, Огцрох л ёстой юм байна

  5. Anonymous says

    Албан тушаалаасаа бууна гэхээс сүнс нь зайлж байнаа эд нар. Ми овогтоо чи Монголын төрд тахисан Жа Эрдэнэбатаа аваад тонилвол таарна. Монголын төрийг Монгол хүн удирдах цаг нь болсон.

  6. Баяр says

    Нямка, Хүрлээ нараа бууж өгвөл та нар нүгэлтнээр тооцогдоно шүү

  7. Arag yas Nyamka says

    HUDLAA HUTSAAD L PIZDANUUD.

Comments are closed.