Guys-ынхан нэгнийгээ “хавирив”

Гэтэл хамтлагийн найзууд нь “зовсон цагт нөхрийн чанар танигдана” гэгчээр хэрэгт орсон нөхрөө “Сар гаруйн өмнө хамтлагаасаа гарсан. Хар тамхины хэрэгт холбогдсон эсэх талаар тодорхой мэдээлэл алга байна” гэгчлэнгээр хөндийрхсөн байх юм. Уугий хэрэгт холбогдсон нь “Guys”-ын гуравт нэг их хамааралтай бус бололтой. Харин тэдэнд олны танил эрхмүүдийг тоглуулсан “Good luck” хэмээх дуу нь чухал байж уу гэмээр мэдээлэл өчигдөр цахим хуудсаар цацагдлаа.

Уугийгийн хувьд хар тамхи зөөвөрлөсөн эсэх нь эцсийн байдлаар тогтоогдоогүй байна. Ер нь шүүх л гэм буруутанг тогтоодог. Түүнээс өмнө түүнийг буруутан болгох үндэслэл хэнд ч байхгүй. Гэтэл нөхөд нь түүнийг жийгээд ч байгаа юм.

Цагтаа хүүхэд залуусыг байлдан дагуулж явсан, одоо ч заримд нь үлгэр дууриалал болж яваа “BoyBand”-ууд уг нь ингэж хүн чанаргүй зан гаргацгааж болмооргүй л байна. Олон жил жаргал зовлонгоо хуваалцаж байсан найзыгаа хормын дотор танихгүй хүн болгож, олон нийтэд юу ч болоогүй мэтээр мэдээлж болдог гэдгийг үлгэрлээд байгаа юм уу хаашаа ч юм. Нэр хүндээ дагаад нийгмийн хариуцлага, ёс жудаг гэж баймаар.