Америк бүсгүй өөртэйгээ гэрлэжээ

ad07433563714c2bgreat
Сиэтл хотын оршин суугч Дезире Лонгабо өнгөрсөн оны зургаадугаар сард өөрийн 42 насны төрсөн өдрөөрөө романтик хуримын ёслол хийхээр шийджээ. Бүсгүй тэрхүү ёслолоо хийх газраар дэлхийн хамгийн романтик хот болох Парисыг сонгосон аж. Сэтгэлд хоногшин үлдэх тэрхүү ёслолыг хийхийн тулд америк бүсгүй 5000 евро зарцуулсан байна. Аяллын зардал, буудлын зардал, бусад зардлуудыг тооцвол ийм дүн гарна. Хуримын бүртгэлийг Америкийн иргэний бүртгэлийн албаны ажилтан видео холбоогоор шууд хийсэн гэнэ. Гэхдээ энд нэг “но” бий. Хуримын ёслолд сүйт хархүү оролцсонгүй. Учир нь, америк бүсгүй өөрөө өөртэйгээ гэрлэсэн билээ.

Хурим хийснийхээ дараа эмэгтэйчүүд нөхрийнхөө овгийг авдаг заншилтай. Өөрт нь нөхөр байхгүй учраас америк бүсгүй зүгээр л нэрээ солихоор шийджээ. Сонгож авсан нэр нь ч их өвөрмөц. Одоо Дезирег Beautiful Existence буюу “Сайхан амьтан” гэж нэрлэдэг болов. Энэ бүсгүй өөртэйгээ гэрлэх шийдвэр гаргасан явдлаа гайхаад байх зүйлгүй хэмээн тодотгожээ. Харин ч түүнээс бусад эмэгтэйчүүд үлгэр жишээ авч, ингээсэй гэж хүсэж байгаагаа ярив. Өмнө нь “Сайхан амьтан” эр хүнтэй гэрлэж байжээ. Тэрбээр нөхөртэйгээ 10 жил амьдрахдаа хоёр хүү төрүүлсэн гэнэ.

Эх сурвалж www.wikimon.mn

Санал болгох мэдээ

Египетийн фараон Тутанкамуны дүрийг сэргээжээ

МЭӨ 1332-1323 оны хооронд амьдарч, 19 насалсан Египетийн фараон Тутанкамуны амьдрал, үхэл олон хүний анхаарлыг …