Мөс цөмрөх аюулаас сэрэмжлүүлж байна

Цаг уур, орчны шинжилгээний газраас ирүүлсэн мэдээгээр өнөөдөр зүүн зүгийн нутгаар, нэгдүгээр сарын 3-ны өдөр  баруун зүгийн нутгийн зарим газраар цас орох төлөвтэй байгаа ажээ.

Нэгдүгээр сарын 2, 3-нд баруун болон говийн нутгаар секундэд 16-18 метр хүрч цасан болон шороон шуурга шуурна. Тиймээс иргэд аян замд гарахдаа автомашиныхаа бүрэн бүтэн байдлыг хангахад онцгой анхаарахын дээр шатахууны хангалттай нөөцтэй явах, дулаан хувцаслах, замын хальтиргаа гулгаанаас үүсэх эрсдлээс урьдчилан сэргийлэхийг ОБЕГ-аас анхааруулж байна.

Түүнчлэн гол мөрнүүдийн  мөсний зузаан харилцан адилгүй, мөсний даац хүн, мал, машин тэрэг явахад аюулгүй хэмжээнд хүрч бэхжээгүй байгаа тул ард иргэдийг мөс цөмрөх аюулаас урьдчилан сэргийлж,  баталгаат зам гүүрээр зорчихыг санууллаа.

П.Жаргал