ГССҮТ-ийн дарга Ц.Энхбаярыг ажлаас нь чөлөөлнө

hГэмтэл, согог судлалын үндэсний төвийн даргаар өнгөрсөн наймдугаар сард томилогдсон  Ц.Энхбаярыг хууль бусаар тус албан тушаалд томилогдсон хэмээн эмнэлгийн 180 гаруй эмч,  ажилчид халагдах өргөдлөө өгөөд байсан билээ.

Тэгвэл эл асуудлыг шийдвэрлэхээр өчигдөр Эрүүл мэндийн сайдын зөвлөлийн хурал ГССҮТ-д орой хүртэл явагдаж Ц.Энхбаярыг үүрэгт ажлаас нь чөлөөлж, хөдөлмөрийн гэрээг нь цуцлах шийдвэр гаргасан байна. Гэхдээ тус эмнэлгийн шинэ даргыг томилох хүртэл Ц.Энхбаяр нь даргын албыг үргэлжлүүлэн түр хаших юм.

Багагүй хугацаанд маргаан дагуулж, эмнэлгийн хэвийн үйл ажиллагаа доголдоход хүргээд байсан эл асуудал ийнхүү намжиж  эмч нар эмнэлгийн хэвийн үйл ажиллагааг ханган ажиллах нь байна.

Дашрамд дурьдахад, Ц.Энхбаяр нь ГССҮТ-ийн даргыг томилох сонгон шалгаруулалтанд оролцох болно гэдгээ мэдэгдээд байгаа юм.

Ugluu-logo1719

Санал болгох мэдээ

О.Номинчимэг: Төв цэнгэлдэх хүрээлэнгээс хэсэгчилж зарсан газруудыг шалгаж, дуудлага худалдааны үнийг төлүүлнэ

1993 онд Төв цэнгэлдэх хүрээлэнг ягаан тасалбараар хувьчилж, 70 хувийг нийслэлд, 30 хувийг хувийн өмчид …