“Шилдэг Мөрдөгч-2019” тэмцээн эхэллээ

Цагдаагийн Ерөнхий Газрын Мөрдөн Байцаах Албаны түүхт 73 жилийн ойд зориулсан “Шилдэг мөрдөгч” тэмцээн өнөөдөр /2019.09.12/ нээлтээ хийлээ.

Нээлтийн үйл ажиллагаанд ЦЕГ-ын Тэргүүн Дэд дарга, Цагдаагийн хурандаа Р.Отгонжаргал, МБА-ны дарга, Цагдаагийн хурандаа Д.Отгонжаргал, бэлтгэл хурандаа Д.Алтангэрэл болон тэмцээнд оролцож буй мөрдөгч байцаагч, алба хаагчид оролцлоо. Энэ удаагийн тэмцээнд нийт 51 нэгжийн 52 мөрдөн байцаагч оролцож байна.

Үйл ажиллагааг нээж Цагдаагийн ерөнхий газрын тэргүүн дэд дарга, цагдаагийн хурандаа Р.Отгонжаргал “БНМАУ-ын Дотоод явдлын яамны сайдын 1946 оны 9 дүгээр сарын 12-ны өдрийн 504 тоот тушаалаар анх “Мөрдөн байцаах групп”-ыг байгуулснаас хойш өнөөдөр 73 жилийн ойтойгоо золгож байгаа Мөрдөн байцаах албаны нийт хамт олонд баярын мэнд хүргэе.

Анх 1993 онд Улсын Мөрдөн Байцаах Газрын дарга, Цагдаагийн хуранднаа Д.Алтангэрэлийн шийдвэрээр “Мэргэжлийн аварга мөрдөн байцаагч” тэмцээнийг аймаг, нийслэлээс шалгарсан 43 мөрдөн байцаагчийг оролцуулан зохион байгуулж, тус газрын Чухал хэргийн мөрдөн байцаагчаар ажиллаж байсан дэслэгч А.Эрдэнэбаяр түрүүлж байсан түүхтэй.

Мөрдөн Байцаах Албанд зүтгэж буй мөрдөгчиддөө хандаж хэлэхэд төрийн хуулийг чандлан хэрэгжүүлж, төр засаг, түмэн олныхоо өмнө өргөсөн тангарагтаа үнэнч байж, хуулиар хүлээсэн үүргээ нэр төртэй биелүүлэн эрхэлсэн ажилдаа идэвх зүтгэл, үр бүтээл гарган ажиллана гэдэгт итгэлтэй байна”гэв.

Тус албаны түүхт 73 жилийн ойн хүрээнд “Шилдэг мөрдөгч-2019” тэмцээнийг албаны даргаас өгсөн удирдамжийн дагуу зохион байгуулж байна. Тэмцээний гол зорилго нь мөрдөгчдийн албандаа хандах эерэг хандлагыг нэмэгдүүлэх, мэдлэг ур чадварыг дээшлүүлэх, мөрдөх ажиллагааны чанар үр дүнг ахиулах, цагдаагийн байгууллагын олон талт үйл ажиллагааг нь олон нийтэд сурталчлах юм.

Мөн тэмцээнд АТГ, Тагнуулын Ерөнхий Газрын мөрдөн байцаагч нар оролцож байгаагаараа онцлогтой. Тэмцээн өнөөдөр, маргааш хоёр өдөр зохион байгуулагдах бөгөөд нийт найман төрлөөр хурд хүчээ үзэж шилдэгээ шалгаруулах аж.

 

 

Холбоотой мэдээлэл

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.