”Face of Mongolia 2020”тэмцээний тэргүүн титмийн эзнээр 13 настай охин тодорлоо

“Face of Mongolia 2020” тэмцээн бямба гаригт  /2019.08.17/   амжилттай  зохион байгуулагдлаа. Жил ирэх тутам өргөжин тэлж буй “Asia Model Festival Face of Mongolia” тэмцээний энэ удаагийн шалгаруулалтад нийт 60 гаруй хүн оролцсон байна. Нэг сарын турш үргэлжилсэн уралдааны төгсгөлийн шатанд 20 эмэгтэй, арван  эрэгтэй модель шалгарчээ. Улмаар тэмцээний тэргүүн титмийн эзнээр 13 настай А.Индра түрүүлсэн байна.

Тэмцээний ерөнхий шүүгчээр Азийн хатан хаан “Оюуны Гэрэлтэх сан”-гийн тэргүүн Г.Оюунгэрэл,  тус тэмцээний 2012 оны ялагчаар тодорч байсан модель  Д.Баяртогтох  нар ажиллажээ.

Дашрамд дурдахад, Азийн 25 улсад зохион байгуулагддаг энэ тэмцээн нь Монгол Улсад 13 дахь жилдээ зохиогдож буй. “Face of Mongolia” тэмцээний өмнөх жилүүдэд  модель Ж.Энэрэл, Ю.Балжидмаа, Т.Оюун-Эрдэнэ, Н.Цацрал нар түрүүлж байв.

 

Холбоотой мэдээлэл

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.