Дөрвөн настай Монгол охин “Гайхалтай хүмүүс” шоу нэвтрүүлэгт оролцоно

Монголын Оюун Ухааны Академийн захирал, дасгалжуулагч Х.Хатанбаатарын дөрвөн настай охин Х.Ивээл ОХУ-ын Россия-1 сувгийн (“Amazing People”) буюу “Гайхалтай хүмүүс”шоу нэвтрүүлэгт уригдсан тухай бид мэдээлсэн билээ. Тэгвэл ОХУ-ын Россия-1 сувгийн “Удивительные люди” буюу “Гайхалтай хүмүүс” нэвтрүүлэгт оролцохоор аав, охин хоёр ОХУ-д очсон байна.

ОХУ-ын Россия-1 сувгийн “Гайхалтай хүмүүс” нэвтрүүлгээс “Ивээлийн найзууд” цэцэрлэгийн оюун ухааны тамирчин дөрвөн настай Х. Ивээлд урилга ирүүлжээ. Энэ талаар Монголын Оюун Ухааны Академиас “ Монголын Оюун Ухааны Академийн харьяа “ Ивээлийн найзууд” цэцэрлэгийн тамирчин дөрвөн настай Х.Ивээл маань наймдугаар сарын 8-12 -ны хооронд ОХУ-ын Москва хотноо Россия-1 сувгийн “Удивительные люди” буюу “Amazing People” шоу нэвтрүүлэгт оролцож тархины гайхамшиг үзүүлэхээр уригдлаа” гэсэн юм.

 

Сонирхуулахад өнгөрсөн 2018 онд тус нэвтрүүлэгт Ой тогтоолтын дэлхийн аварга, ОУ-ын Их Мастер ихэр тамирчид болох Н.Мөнхшүр, Н.Энхшүр нар оролцож 1200 ширхэг сарнайг 5 минутад тогтоон өнгө өнгөөр нь алдаагүй нэрлэж гайхшруулж байсан билээ.

Г.Нараа

Санал болгох мэдээ

“1984” жүжгийн гол дүрд С.Болд-Эрдэнэ, Д.Ганцэцэг, Ц.Төмөрхуяг нар тоглоно

Английн алдарт зохиолч Жорж Оруэллийн “1984” хэмээх алдарт романы үзэл санаа, утга агуулга дэлхийн олонх …