“Токио 2020” зуны олимпын медалийг танилцуулав

Токио хотноо болох 2020 оны Олимпын наадмыг зохион байгуулагчид медалийн загварыг танилцууллаа. Олимпын медалийн гэрэл зураг, видео бичлэгийг 2020 оны олимпын наадмыг зохион байгуулах хорооны албан ёсны вэб сайтад Японы нийслэлд тэмцээн эхлэхээс яг нэг жилийн өмнө нийтэлсэн байна.

 Медалийн нүүрэн талд 1896 онд анхны олимпын наадмыг зохион байгуулсан эртний Грекийн ялалтын бурхан Ника мөн Панатиниакос цэнгэлдэх хүрээлэнг дүрсэлсэн бол ар талд нь таван цагираг, Токиогийн олимпын билэгдлийг дүрсэлжээ.

Алтан медалийн жин 556 грамм, мөнгөн медалийн жин 550 грамм бол хүрэл медаль 450 грамм жинтэй байх юм. Алтан медалийг цэвэр мөнгөөр хийсэн бөгөөд зургаан грамм алтаар бүрсэн байна. Мөнгөн медаль нь бүхэлдээ цэвэр мөнгөнөөс бүрдэх аж. Хүрэл медалийг улаан гуулиар хийсэн бөгөөд 95 хувь нь зэс, таван хувь нь цайрыг агуулах юм.

 

Холбоотой мэдээлэл

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.