Баяр наадмын өдрүүдээр 12 хүн амь насаа алджээ

Улсын их баяр наадмын өдрүүдэд улсын хэмжээнд Тээврийн цагдаагийн алба нь нийт 963 дуудлага, мэдээллийг хүлээн авснаас зам тээврийн ослын шинжтэй 589 дуудлагыг хүлээн авч шалгажээ.

Бүртгэгдсэн осол, хэргийг өнгөрсөн 2018 оны Үндэсний их баяр наадмын өдрүүдийн нөхцөл байдалтай харьцуулахад бүртгэгдсэн осол 27,5 хувиар өссөн, нийт бүртгэгдсэн ослын улмаас 12 хүний амь нас хохирч, 48 хүн гэмтсэн ба амь нас нь хохирсон хүний 83 хувь буюу 10 нь орон нутгийн замд гарсан ослын улмаас амь насаараа хохирсон, гэмтсэн хүний 62,5 хувь буюу 30 нь нийслэл хотод бүртгэгдсэн байна.

Тухайлбал, энэ сарын 12-ны өдөр Хэнтий аймгийн Мөрөн сумын 1-р багийн нутаг “Овоот” гэх газар асфальтан замд Toyota Corolla маркийн Э жолоочтой автомашин онхолдож, зорчигч 21 настай эмэгтэй Д, таван  настай эрэгтэй Ч, 10 настай эмэгтэй С нарын гурван хүн нас барж, жолооч 30 настай эмэгтэй Э, зорчигч 28 настай эмэгтэй Э, 26 настай эрэгтэй Т нарын гурван хүн гэмтсэн ноцтой осол гарчээ.

Холбоотой мэдээлэл

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.