Өвөр Монголд 150 оюутныг эрэлттэй мэргэжлээр сургана

Хөдөлмөрийн зах зээлийн эрэлтэд нийцсэн чиглэлээр 150 оюутныг Өвөр Монголд сургана. Монгол Улсын Боловсрол, соёл, шинжлэх ухаан, спортын яам болон Бүгд Найрамдах Хятад Ард Улсын Өвөр Монголын Өөртөө Засах Орны Ардын Засгийн газартай байгуулах оюутан суралцуулах тухай хэлэлцээрт гарын үсэг зурах ёслолын үйл ажиллагаа өнөөдөр /2019.06.27/ Монголын Үндэсний музейд боллоо.

БСШУС-ын дэд сайд Г.Ганбаяр ёслолын арга хэмжээг нээж хэлсэн үгэндээ Өвөр Монголын Өөртөө Засах Орны Ардын Засгийн газрын тэтгэлгээр Өвөр Монголын их, дээд сургуулиудад манай орны 150 оюутан, залууст суралцах боломжийг олгож буй нь хоёр орны боловсролын салбарын хамтын ажиллагаа өргөжин, хөгжиж байгаагийн нэг илэрхийлэл гэдгийг тодотгов.

Монголын талыг төлөөлж, БСШУС-ын дэд сайд Г.Ганбаяр, ӨМӨЗО-ыг төлөөлж, тус орны Ардын Засгийн газрын Боловсролын танхимын дарга Хоу Юань нар хэлэлцээрт гарын үсэг зурлаа.

Хэлэлцээр 2020 оноос хэрэгжиж эхлэх бөгөөд хөдөлмөрийн зах зээлийн эрэлтэд нийцсэн мэргэжлүүдээр суралцуулах юм байна.

Холбоотой мэдээлэл

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.