О.Баасанхүү: АН-ын зөвлөлийг хүчтэй сөрөг хүчин болгоход нь нэгдэж байна

УИХ-ын гишүүн О.Баасанхүү АН-ын зөвлөлтэй хамтарч ажиллах болсон талаараа өнөөдөр /2019.06.10/ мэдээлэл хийлээ.


Тэрбээр” Миний бие өнөөдөр АН-ын зөвлөлийн дарга Д.Эрдэнэбатад албан бичгээ хүргүүлсэн. Албан бичгийн гол утга нь АН-ын зөвлөлтэй хамтран ажиллаж, АН бүлэгтэй болж хүчтэй сөрөг хүчин болгоход хамран ажиллая гэсэн утга бүхий бичиг юм. УИХ-ын тухай хуульд “УИХ-ын гишүүн нь нам, эвслийн бүлэгт нэгдэж болно” гэсэн заалт бий.

Тиймээс МАХН-ны гишүүний хувьд намаасаа гаралгүйгээр АН-ын зөвлөлийг хүчтэй сөрөг хүчин болгоход нь нэгдэж байгаа юм. Нэгдэх болсон гурван шалтгаан бий. Нэгдүгээрт УИХ-д Үндсэн хууль нэмэлт, өөрчлөлт оруулах хуулийн төслийг өргөн барьсан. Мөн суудалгүй намуудын зүгээс Ерөнхийлөгчид хандан Үндэсний зөвшилцөх зөвлөл байгуулах тухай хүсэлтээ хүргүүлсэн. Энэ нь сөрөг хүчин сул байгаа учраас Ерөнхийлөгчид хандсан гэж ойлгож байна.

Тиймээс УИХ-д хүчтэй сөрөг хүчин гаргах ёстой гэж үзсэн. Хоёрдугаарт, 2016 оны сонгуулийн Монголын ард түмэн МАН-д 65 суудал өгч, Үндсэн хуулийг өөрчлөх эрхийг, АН-ын есөн гишүүнийг гаргаж УИХ-д бүлэг байгуулах эрхийг нь, МАХН-д нэг суудал буюу Ерөнхийлөгчийн сонгуульд оролцох эрхийг өгсөн. Харамсалтай нь өнөөдөр улс төрчид сонгогчдоо сонсохгүй байна. Жишээлбэл, Үндсэн хуулийг өөрчлөх эрхийг МАН авсан хэдий ч ард түмнээсээ асуухгүй, өөрсдийнх нь эрх гэж ойлгоод байна. АН-ыг бүлгээрээ дамжуулан хяналтаа тавьж, ард түмний өмнөөс бүлгийн байр сууриа илэрхийлж бай гэсэн боловч АН-ын гишүүдийн асуудлаас үүдэж бүлэггүй болж сөрөг хүчингүй болсон учир миний бие нэгдэж хамтдаа сөрөг хүчний байр сууриа илэрхийлье гэж бодсон” гэлээ.

Холбоотой мэдээлэл
3 Comments
  1. Zoch says

    Mash zub shiidber baina
    , .

  2. Нараа says

    Чи өөрөө хүчтэй хүн биш дээ, мөрөөдсөн гар юм аа

  3. Зочин says

    НЭГ НАМ ОЛОНХ БОЛСОН ЭНЭ УИХ-Д ХҮЧТЭЙ СӨРӨГ ХҮЧИН ХЭРЭГТЭЙГ ОЛЖ ХАРЖ УХААЛАГ ШИЙДВЭР ГАРГАЖ БАЙГАА БААСАНХҮҮ ГИШҮҮНД БАЯР ХҮРГЭХ ХЭРЭГТЭЙ.Ц.НЯМДОРЖ БААСАНХҮҮ ГИШҮҮНИЙГ ЮУ Ч МЭДЭХГҮЙ БОЛОВСРОЛ БАЙХГҮЙ ГЭЖ ЧУУЛГАНЫ ХУРАЛДААН ДЭЭР ХЭЛЖ БАЙСАН БААСАНХҮҮ Ц.НЯМДОРЖИЙН ХЭЛСЭН ШИГ ХҮН ОГТ БИШ САНАГДДАГ ШҮҮ.ЗӨВ ХУУЛИЙН ГАРГАЛГАА ЯРИЖ ХЭЛДЭГ ХҮНИЙ НЭГ ШҮҮ.БААСАНХҮҮГИЙН ЭНЭ ШИЙДВЭРИЙГ АН ХҮЛЭЭЖ АВААД ХАМТАРЧ АЖИЛЛАХ ХЭРЭГТЭЙ.ТАНАЙ БОЛД ГИШҮҮН АЧАА ДАГАДАГ НОХОЙ МЭТ АЛГА БОЛСОН .ХУУЛМЙН ДАГУУ БҮЛЭГ БОЛЖ БОЛДОГ БОЛ БҮЛЭГ БОЛООД ХҮЧТЭЙ СӨРӨГ ХҮЧИН БОЛЖ АЖИЛЛА.

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.