Жорж В.Буш, И Жэ Ён нар Сөүлд уулзав
АНУ-ын Ерөнхийлөгч асан Жорж В.Буш өнгөрсөн лхагва гаригт БНСУ-ын Сөүл хотноо “Самсунг электроникс”-ын дэд захирал И Жэ Ёнтой уулзсан байна.
Тэд Сөүл хотод Бушийн байрласан зочид буудалд уулзан, дэлхийн аж үйлдвэрлэлийн өнөөгийн хурдацтай өөрчлөлтийн талаар ярилцсан байна. АНУ-ын удирдагч асан тэрбээр БСНУ-ын Ерөнхийлөгч асан Ро Мүн Хёны таалал төгссөний 10 жилийн ойд зориулсан дурсгалын арга хэмжээнд оролцохоор Өмнөд Солонгост иржээ.
И Жэ Ён Бушийн буудалласан зочид буудлаас гарч явахдаа уулзалтын талаар асуусан сэтгүүлчдийн асуултад хариулахаас татгалзсан байна.
