Уулзварыг чагталж, түгжрэл үүсгэсэн жолооч нарт хариуцлага тооцно

Монгол Улсын Замын хөдөлгөөний дүрмийн 15.2-д “Уулзварыг бүрэн гүйцэд нэвтрэн гарах боломжийг хязгаарласан түгжрэл, саатал бий болсон үед жолооч (уулзвар нэвтрэх давуу эрхтэй буюу зөвшөөрсөн гэрэл дохио асаж байгаа, эсэхээс үл хамааран) уулзвар руу орохыг хориглоно” гэж заасан. Энэ бол бидний сайн мэдэх дүрэм. Өөрөөр хэлбэл, хэдийгээр ногоон гэрэл дохио ассан ч таныг угтаж авах уулзвар шингээлт муу, та нэмэгдэж ороход уулзвар чагтлагдах хэмжээнд байгаа тохиолдолд иргэнийг тухайн уулзвар руу орохыг хориглосон утга бүхий заалт юм. Үүнийг зөрчсөнөөр уулзвар дээрх түгжрэл дээд цэгтээ хүрдэг.

Харин энэ сарын 20-ноос эхлэн хяналтын камерын автомат системийг ашиглан уулзвар дээрх түгжрэлийг бууруулах ажил эхэлнэ. Жолооч нар зөвшөөрсөн гэрэл дохиогоороо зорчиход л асуудал гарахгүй, харин зөрчвөл хариуцлага ноогдуулах процесс явагдана гэсэн үг.

Гэхдээ 15.7-д заасанчлан Зөвшөөрсөн гэрэл дохио асах үед уулзвар нэвтрэх үйлдлээ дуусгаж байгаа тээврийн хэрэгслийн жолооч, зорчих хэсгийг хөндлөн гарч амжаагүй яваа явган зорчигчид зам тавьж өгч байгаа жолооч нарт хариуцлага тооцохгүй байхаар програмчилжээ. Нийслэл хотын удирдлагаас замын хөдөлгөөний хэт их ачааллыг бууруулах, түгжрэлгүй зорчих зорилгоор хэрэгжүүлэх ажлууд үүгээр эхэлж байна. Энэ бол замын хөдөлгөөнд оролцогч та бүхний хувьд шинэ зүйл биш, харин дээрх дүрмийн заалтыг хэрэгжүүлж бодит үр дүнд хүрэх боломж нь үүгээр эхэлж байна гэдгийг ойлгоцгох нь чухал хэмээн албаныхан тайлбарласан.

ТЭЭВРИЙН ЦАГДААГИЙН АЛБА

Холбоотой мэдээлэл
1 Comment
  1. хот says

    энэ хотод дүрмээрээ хөдөлгөөнд оролцох ямар ч эрх зүйн орчин алга зам нуль вирус гэрлэн дохио баримтлах гэхээр цагаан зураасыг нь зөрчих гээд болдоггүй, цагаан зураасыг нь баримталах гэхээр гэрлэн дохио нь зөрчих болдог хоорондоо ямар ч авцалдаагүй зохион байгуулалт Ер нь замын цагдаа мөнгө олох гэж замаа вирустүүлж хүний амиар улс нийгмийнхээ эдийн засгаар тоглоод удлаа да олон ч хүний аминд хүрсэн Оросын олон ангит кинон дээр гардаг нэг залуу гэртээ их хэмжээний мөнгө авчирна эхнэр нь чи замын цагдаа биш, зүгээр л мөрдөн байцаагч ямар хэрэг тарчихаваа гээд бууж гардаг Замын цагдаа бол хэрэг тарихгүйгээр мөнгө олдог байх нь замын цагдаа бол авилгалд ядзарсан хуучин нийгмийн үлдэгдэл юм

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.