Жүжигчин С. Идэрмаа “Диваажинд хүрэх зам” киноны гол дүрд тогложээ

“Mesmerism” продакшн, “BRB” ХХК, XMF-Хуур хөгжмийн наадам, “Монгол НD” телевизийн хамтын бүтээл “Диваажинд хүрэх зам” уран сайхны кино энэ сарын 17-нд Zaisan Hill ийн Prime Cineplex кино театрт нээлтээ хийх гэж байна.

Найруулагч Д.Ганцогтын уг кинонд нийт 43 уран бүтээлч ажилласан бөгөөд киноны гол дүрд шинэ залуу  үеийн төлөөлөл болоод буй жүжигчин С.Идэрмаа, Э.Мөнх-Эрдэнэ, Д.Ганцогт, дүрүүдэд МУАЖ С.Сарантуяа, МУГЖ Ц.Төмөрхуяг, МУСТА О.Гэрэлсүх, Б.Батзаяа, Б.Навчаа, Б.Ангараг, У.Содхүү, нарын уран бүтээлчид тогложээ.

С.Идэрмаагийн хувьд “Зүрхний хилэн” киноны Сүглэгмаагийн дүрээр олонд танил болсон билээ.Түүнчлэн “U film” уран бүтээлийн нэгдлийн анхны бие даасан тайзны бүтээл “Ангарагаас ирсэн эмэгтэй” +18 модерн драмын жүжгийн гол дүрд тоглосон юм. Жүжигчин бүсгүй маань жүжиглэхээс гадна чамгүй сайн дуучин гэдгээ “Voice” шоуны үеэр харуулаад авсан.



“Диваажинд хүрэх зам” киноны зураг авалтыг дэлхийн номер нэг “ARRI” камераар хийсэн нь зураг авалтыг илүү мэргэжлийн, чанарын өндөр түвшинд аваачжээ. Энэхүү кинонд хүсэл зорилгынхоо төлөө тэмүүлж буй хоёр найзын талаар өгүүлэх бөгөөд амьдралын үнэ цэнэ, хэнд ч дийлдэшгүй хүсэл мөрөөдөл,үнэнч нөхөрлөлийг харуулахыг зорьжээ. Киноны зураг авалтыг нийт зургаан сарын хугацаанд гүйцэтгэсэн бөгөөд киноны хамгийн нүсэр бүрэлдэхүүнтэй зураг авалтыг 80-100 хүнийг оролцуулан хийсэн гэнэ.

Г.Нараа

 

 

 

Холбоотой мэдээлэл

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.