Генерал цолтнуудад хүндэтгэл үзүүллээ

Монгол Улсад генерал цол олгож эхэлсэн түүхт 75 жилийн ой өнөөдөр тохиож, алтан мөрдөст генералууд төв талбайд их жанжин Д.Сүхбаатарын хөшөөнд цэцэг өргөн хүндэтгэл үзүүллээ.

Энэ жил генерал цолтнуудад хүндэтгэл үзүүлэх арга хэмжээг Батлан хамгаалах яам хариуцаж зохион байгууллаа.
Цэргийн дээд цол болох генерал цолыг БНМАУ-ын Ардын сайд нарын зөвлөлийн 1944 оны дөрөвдүгээр сарын 28-ны өдрийн 52 дугаар тогтоолоор анх 11 хүнд олгосон байдаг. Тиймээс энэ өдрийг Монгол генералын өдөр болгон тэмдэглэж, алтан мөрдөст генералууддаа хүндэтгэл үзүүлдэг уламжлалтай юм.

75 жилийн түүхэнд Монгол Улсаас нийт 181 генерал төрөн гарсан байдаг. Тэднээс маршал 3, армийн генерал 2, хурандаа генерал 8, дэслэгч генерал 18, хошууч генерал 107, бригадын генерал цолтон 28 байдаг аж. Өдгөө 90 гаруй генерал амьд сэрүүн байгаагаас 50 орчим нь гавьяаны амралтад байгаа юм. Харин өнөөдрийн байдлаар 36 генерал төрийн алба хашиж байна