“Яг түүн шиг” нэвтрүүлгийн шинэ улиралд шилдгүүд өрсөлдөнө

Боловсрол телевиз “Яг түүн шиг” шоу нэвтрүүлгийн шинэ улирлын дугааруудыг “Endemol shine” группийн албан ёсны эрхтэйгээр дөрөв дэх жилдээ хүргэх гэж байна.

Тус нэвтрүүлгийн нэгдүгээр улирлын ялагчаар дуучин П.Баярцэнгэл, 2-р улиралд жүжигчин Т.Бархүү, 3-р улиралд дуучин Б.Нацагдорж тодорч байсан. Харин энэ жил өмнөх гурван жилийн 24 оролцогчоос сонгогдсон шилдгийн шилдэг 8 оролцогч хоорондоо өрсөлдөх гэнэ. Чухам хэн, хэн сонгогдсоныг тун удахгүй зарлах болно.

Дэлхийн стандарттай энэхүү контентыг бүтээхийн тулд 200 орчим уран бүтээлч техник, зураг авалт, инженер, дууны найруулга, нүүр хувиргалт, хувцас дизайн, үс засалт, тайз гэх мэт 10 гаруй алба нэгжид хуваагдан өндөр зохион байгуулалттайгаар ажиллаж үзэгчдийн хүртээл болгодог аж. Түүнчлэн, нэвтрүүлгийн нэгэн гол хэсэг болсон масктай дүр хувиргалтыг гүйцэтгэхээр ОХУ-ын нүүр хувиргагчид дөрөв дэх жилдээ хүрэлцэн ирж байгаа гэнэ.

“Яг түүн шиг” шоу нэвтрүүлэг олон онцлогтойгоор тун удахгүй эргэн ирэх нь. Тайз, хийц, агуулга гээд бүх талаараа сонирхолтой байх шинэхэн дугаарууд 5-р сарын 5-ны ням гарагаас эхлэн  “Боловсрол” телевизээр үзэгчдэд хүрэх болно.

Холбоотой мэдээлэл
2 Comments
  1. Д.Алтанцэцэг says

    Залуу уран бүтээлчид бүгдээрээ мундаг байсан. Зохион байгуулалт ч сайн байлаа. Хамгийн ихээр дэмжиж байсан оролцогч маань Одгэрэл бүсгүй. Тэр тун гайхалтай бишрэм бүсгүй шүү.Охид эмэгтэйчүүд энэ бүсгүйгээс үлгэр дуурайл аваасай. Амжилт хүсье.

  2. Anonymous says

    Голд нь нэг өвөө байна Тэрнээс бусад нь болж байна

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.