МУГЖ Б.Сарантуяагийн төрсөн өдөр тохиож байна

Монголын эстрад урлагийн тайзнаа 20 гаруй жил уянгалаг сайхан хоолойгоороо үзэгч түмнийг баясгаж яваа поп дива зууны манлай дуучин МУГЖ Б.Сарантуяагийн төрсөн өдөр өнөөдөр тохиож байна.

Тэрбээр жил бүрийн төрсөн өдрөө фэнүүдийнхээ хамт тэмдэглэдэг бөгөөд энэ жил ч мөн адил үзэгч фэнүүдтэйгээ төрсөн өдрийн баярыг хуваалцах гэж байна. Түүний 11 дахь удаагийн төрсөн өдрийн “Амьдрал” тоглолт  өнөөдөр орой 17 цагт “Corporate Convention Centre”-тоглогдох юм.

Төрсөн өдрийн тоглолтод “Харанга” хамтлагийн дуучин, Монгол Улсын гавьяат жүжигчин Х.Лхагвасүрэн, дуучин С.Сэрчмаа, Б.Чойжилсүрэн буюу Чойжоо болон “Рэндом” хамтлаг, Морин хуурын чуулга урилгаар оролцож, ая дуугаа өргөхөөр болжээ.
Олон жил сонсогч түмнээ гайхалтай дуугаараа баясгаж дуучин бүсгүйдээ төрсөн өдрийн гал халуун мэндийг дэвшүүлье.