“Гоодой-Ам”-д түймэр гарсны улмаас зуслангийн 12 байшин, гурван гэр шатжээ

Нийслэлийн Сүхбаатар дүүргийн 19 дүгээр хорооны нутаг дэвсгэр “Гоодой-Ам”-д өчигдөр буюу /2019.4.14/-ний өдрийн 13 цаг 57 минутад  гал гарчээ. Галын дуудлагын дагуу  Сүхбаатар дүүргийн Онцгой байдлын хэлтсийн Гал түймэр унтраах, аврах 74 дүгээр ангийн 10 алба хаагч, 2 автомашинтай 14 цаг 05 минутад очиход түймрийн тархалт дэлгэрсэн байсан байна.  Иймээс  Гал түймэр унтраах, аврах 10, 14, 18, 30, 34, 63, Нийслэлийн Аврах анги-105-ын нийт 7 ангийн 102 алба хаагч, 28 автомашинтайгаар түймрийн голомтын тархалтыг зогсоож, цурманд  оруулан, бүрэн унтраахаар ажиллаж байна.

  Гал түймрийн улмаас зуслангийн 12 байшин, 3 гэр шатсан байна. Иргэдийн ярьж буйгаар гагнуур хийж байсан иргэний буруутай үйлдлээс оч үсэрч, шар өвсөнд авалцсанаар гал гарсан гэж таамаглаж буй аж. Галын улсын байцаагч нар болон цагдаа, прокурорын албан хаагчид хэргийн газарт үзлэг шалгалт хийж байна гэж Нийслэлийн Онцгой байдлын газраас мэдээллээ.

 

Холбоотой мэдээлэл

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.