Фото: Жао Вэй “Elle” сэтгүүлийн нүүрийг чимлээ

“Хуанжу Гэг” киноны гол дүр Шио Ян Зигийн дүрийг чадварлаг бүтээсэн жүжигчин, дуучин, найруулагч, Жао Вэй “Elle” сэтгүүлийн нүүрийг чимжээ.

Тэрээр жүжигчин, кино найруулагч дуучин мэргэжилтэй бөгөөд Хятадад төдийгүй дэлхийд алдартай жүжигчин юм. Жао Вэй Бээжингийн Кино Академид суралцаж байх үеэрээ Хуан жу гэг киноны гол дүр болох Шио Ян Зигийн дүрийг бүтээсэн нь түүнийг нэр алдрыг оргилд хүргэжээ. Тус дүрээр 1999 оны 17 дахь “Алтан бүргэд” шагнал гардуулах ёслолоос шилдэг эмэгтэй жүжигчин шагналыг авчээ.

Жао Вэй нь 1999 онд “Swallow” хэмээх цомгоо худалдаанд гаргаснаар дуучныхаа карьерийг эхлүүлжээ. Үүнээс хойш нийт долоон цомог гаргасан байна. 2012 онд Бээжингийн Кино Академид кино найруулагч мэргэжлээр магистрын зэрэг хамгаалсан. Түүний хамгийн анхны найруулсан бүтээл нь “So Young” хэмээх кино 2013 онд үзэгчдэд хүрч олон шагнал хүртсэн төдийгүй кино шүүмжлэгчдээс эерэг үнэлгээг авчээ. 2016 онд Жао Вэй 73 дахь Венецийн кино наадмын гол шүүгчээр томилогдсон байна.

Тэрээр 2005 онд НҮБ-ын Хүүхдийн Сангийн элч төлөөлөгчөөр томилсон бөгөөд өдгөө нийт 16 сайн дурын, дотоодын болон олон улсын байгууллагын элч төлөөлөгчөөр ажилладаг.

Жао Вэй 2008 онд Хятадын бизнесмэн Хуанг Юу Лонгтой Сингапурт гэрлэсэн бөгөөд хосууд 2010 онд охинтой болжээ.

 

Холбоотой мэдээлэл

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.