МАН: Н.Чимгүүндарь, Б.Хурц, Б.Тэнгэр нарыг эгүүлэн татна

УИХ дахь МАН-ын бүлэг Элчин сайдад нэр дэвшигчдийн асуудал болон Ерөнхийлөгчийн өргөн барьсан УИХ-ын дэгийн тухай хуульд нэмэлт өөрчлөлт оруулах болон түүнийг дагалдан өргөн барьсан УИХ-ын тухай хуульд нэмэлт, өөрчлөлт оруулах хуулийн төслийн асуудлаар өнөөдөр хуралдсан байна.

Бүлгийн хуралдаанаар хэлэлцсэн асуудлаар УИХ дахь МАН-ын бүлгийн дарга Д.Тогтохсүрэн”Бүлгийн гишүүдийн олонхи нь Г.Тэнгэр, Н.Чимгүүндарь, Б.Хурц нарын Элчин сайдад нэр дэвшигчдийн асуудал сунжирч байгаа учраас нэрсийг нь татах нь зүйтэй гэдэгт санал нэгдлээ. Мөн Ерөнхийлөгчийн өргөн барьсан УИХ-ын дэгийн тухай хуульд нэмэлт өөрчлөлт оруулах болон,УИХ-ын тухай хуульд нэмэлт, өөрчлөлт оруулах хуулийн төслийг энэ долоо хоногтоо багтаан хэлэлцэх нь зүйтэй гэж үзлээ.

Мэдээллийн дараа УИХ дахь МАН-ын бүлгийн дарга Д.Тогтохсүрэн сэтгүүлчдийн асуултанд хариуллаа.
-Дараагийн УИХ-д даргад хэнийг нэр дэвшүүлэх вэ?
-УИХ-ын даргыг томилох процесс болоогүй. Эхлээд Ерөнхийлөгчийн өргөн барьсан хуулийн төслийг хэлэлцэж, батална. Дараа нь УИХ-ын даргатай холбоотой асуудлаар тогтоолын төсөл өргөн барих ёстой. Албан тушаалтай холбоотой зүйл огт яриагүй.
-Засгийн газрын хоёр сайдын асуудлыг ярилцсан уу?
-Одоо УИХ үйл ажиллагаа саатахгүй. Эдийн засгийн байнгын хороо мягмар гаригт хуралдана. УИХ-ын чуулганаар Ерөнхийлөгчийн өргөн барьсан хууль, Засгийн газрын гишүүдийн асуудлыг хэлэлцэнэ. УИХ-ын даргын зөвлөлийн хурлаар хэлэлцэх асуудлаа тогтсон.

 

Холбоотой мэдээлэл

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.