“21000” реалити шоунд дуучин Д.Отгонжаргал, Г.Ганхүү нар өрсөлдөж байна

“25 дугаар суваг” телевизийн бэлтгэн хүргэдэг “21000” реалити шоу оны өмнөх дугаартаа Барилга, хот байгуулалтын сайд асан З.Баянсэлэнгэ, дуучин А.Хишигдалай нарыг оролцуулсан. Тансаг зочид буудалд 10 хоног байрлахдаа зөвхөн 21 мянган төгрөгийг хүнсэндээ хэрэглэх үүрэгтэй үндэсний шоуны ялагчаар З.Баянсэлэнгэ тодорсон.

Тэгвэл “21000” реалити шоуны шинэ оны анхны дугаарыг Япон улсын Токио хотоос бэлтгэжээ.Токио хотод арав хонох хугацаанд 2100 иеноор худалдаа хийж, хоол хүнсээ цуглуулах үүрэгтэй оролцогчоор Монгол Улсын соёлын тэргүүний ажилтан, дуучин Д.Отгонжаргал, “Шар айраг” хамтлагийн дуучин Г. Ганхүү нар тодорчээ.

Нэвтрүүлгийн дүрэм ёсоор оролцогсод 2100 иеноор арав хоногт хэрхэн үр дүнтэй зарцуулж, хоногийн хоолоо хэрхэн залгуулах вэ гэдгийг үзэгчиддээ харуулж, хэн илүү мөнгөтэй үлдсэн нь шоуны ялагч  болох юм.

Япон улсад бэлтгэсэн “21000” реалити шоуны шинэ дугаарыг нэгдүгээр сарын 7-ний өдрөөс эхлэн 21:30 минутаас үзэгчдийн хүртээл болгож байгаа аж. Шоуны ялагч ирэх долоо хоногт тодорно.


Холбоотой мэдээлэл
2 Comments
  1. hun says

    ganhuu narai carailag uu ganhuu oroi 9 hoish sushi avch ideerei naizaa hymdardag um shuu kos ba

  2. orgiliin naiz says

    ganhuu ch carailag um aa emegteigeesee shuu haana baigaa um be tokyo iu oor hot um uu

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.