Б.Гүнбилэг:Гишүүд хуульд заасны дагуу асуудалд хандах хэрэгтэй

УИХ-ын гишүүн Л.Болд, Б.Энх-Амгалан, Т.Аюурсайхан, Ж.Батзандан, Л.Оюун-Эрдэнэ нар УИХ-ын дарга М.Энхболдыг огцруулахаар чуулганы танхимын өмнө суулт зарлаад байгаа. Энэ асуудалд Улсын Их Хурлын даргын Улс төрийн бодлогын зөвлөх Б.Гүнбилэг Монгол Улсын Их Хурлын даргыг огцруулах талаар хуульд хэрхэн заасан байдаг талаар тайлбар, мэдээлэл хийлээ.

Тэрбээр, “Монгол Улсын Үндсэн хуулийн 24 дүгээр зүйлийн 24.2 дахь хэсэгт УИХ-ын дарга, дэд даргын бүрэн эрхийн хугацаа дөрвөн жил байх бөгөөд хуульд заасан үндэслэлээр хугацаанаас өмнө огцруулж, чөлөөлж болно гэж заасан байдаг.

Мөн Улсын Их Хурлын тухай хуулийн 10 дугаар зүйлийн 10.2 дахь хэсэгт:

  1. Нас барсан,
  2. Өөр ажилд шилжих болон бусад шалтгаанаар чөлөөлөгдөх хүсэлтээ өөрөө гаргасныг УИХ хүлээн авсан,
  3. Хүндээр өвчилсөний улмаас цаашид үүрэгт ажлаа гүйцэтгэх боломжгүй болсон тухай эмнэлгийн дүгнэлт гаргасныг УИХ хүлээн авсан,
  4. Үндсэн Хуулийн Цэц УИХ-ын даргыг огцруулах үндэслэлтэй гэснийг УИХ хүлээн авсан,
  5. Гэмт хэрэг үйлдсэн болох нь шүүхийн хүчин төгөлдөр шийдэх тогтоолоор батлагдсан бол УИХ-ын даргыг үүрэгт ажлаас нь хуулийн хүрээнд огцруулж, чөлөөлж болно гэж заасан байдаг байна.

Энэхүү таван үндэслэлээс бусад зүйлээр УИХ-ын даргыг огцруулах асуудлыг ярих нь Монгол Улсын Үндсэн Хууль болон бусад хуулийг зөрчиж байгаа” хэмээн тайлбарлалаа.  Мөн Улсын Их Хурлын тухай хуулийн 7.1.23-т  “Гишүүний ёс зүйг УИХ-ын гишүүн чанд баримтална” гэж заасан байдаг. Тиймээс Улсын Их Хурал хэвийн үйл ажиллагаа явуулахад гишүүд дэгээ сахиж, хуульд заасан үндэслэлээр асуудалд хандах хэрэгтэй” мэдэгдлээ.

Холбоотой мэдээлэл
2 Comments
  1. zochin says

    khuuliig gantskhan deed shuukh l tailbarladag, Mi gii zuvlukh bas khuuli tailbarlakh erkhtei bolsiin baina medej avlaa

  2. шударга гишүүдийг бүх нийтээрээ дэмжиж байна says

    МАФИЖСАН бүлэглэлийг бий болгосон төрөөс төрсөн тэрбумтанг л зайлуулах асуудал яригдаж байгаа. Хуулиа бүгд сайн мэдэж байгаа. УЛААНБААТАР хотыг ямар ч төлөвлөгөөгүй хөгжүүлэх үндэслэлийг тавьж, газрын наймааг өндөрт гаргасан гэмт хэрэгтэний талаар асуудал гараад байгаа. ИРГЭД шударга төртэй болоход саад болж буй нөхрийг зайлуулах асуудал гаргаад байгаа. ЗӨВ асуудал.

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.