Канье Вест, Дональд Трамптай уулзана

Америкийн реппер, дуучин Канье Вест пүрэв гарагт Ерөнхийлөгч Дональд Трамптай уулзана гэж Цагаан ордноос мэдэгдлээ.

Хоёр эрхэм шоронгийн шинэчлэл, гэмт хэргийн бүлэглэлүүдийн хүчирхийлэл болон АНУ-ын үйлдвэрлэлийн дахин сэргэлтийн талаар хэлэлцэх ажээ.

Энэхүү уулзалт АНУ-ын завсрын сонгууль болохоос дөрвөн долоо хоногийн өмнө болох юм.

Д.Трампын дэмжигч алдарт реппер Канье Вест Цагаан ордны ахлах зөвлөх Жаред Кушнертэй мөн уулзах ажээ. Жаред Кушнер нь Д.Трампын хүргэн билээ.