Бүсгүйчүүдэд зориулсан хувцаслалтын бяцхан зөвлөгөө

Алим
Ийм галбиртай эмэгтэйчүүдийн биеийн жин нь ихэнхдээ цээж болон гэдэс хэвлий хэсгээрээ төвлөрсөн байдаг. Алиман хэлбэрийн биетэй эмэгтэйчүүд өргөн мөртэй, ерөнхийдөө махлагдуу харагддаг. Хэвлий бэлхүүс хэсгээрээ махлаг гээд бүгдийг нь далдал гэсэн үг биш. Өндөр суудалтай өмд болон богинохон хүрэм, хээтэй цамц сонгож өмсвөл илүү аятайхан.
Дөрвөлжин 
Энэхүү галбир нь ихэнхдээ туранхай бүсгүйчүүдэд ажиглагддаг. Учир нь тэдний мөр болон таазны хэмжээ хоорондоо адилхан тул бэлхүүс нь харьцангуй өргөн харагддаг байна. Урт шулуун юбка, дэрвэгэр хормойтой даашинз өмсвөл зохимжтой. Түүнчлэн “Crop top” буюу богино цамцтай, салангид урт юбка өмссөн ч болно. Харин бие барьсан богинохон даашинз өмсөхгүй байхыг хичээгээрэй.
Элсэн цаг
Элсэн цаг мэт галбиртай бүсгүйчүүд төрөлхийн том хөх, махлаг гуя, өгзөгтэй байдаг. Тиймдээ ч эрчүүдийн анхааралд илүү ихээр өртдөг байна. Мөрнөөс таазны хэмжээ нь илүү өргөн тул нарийн бэлхүүстэй харагддаг. Хэрвээ та ийм галбиртай бол үнэхээр азтай юм. Хэтэрхий бариу л биш бол бүх төрлийн хувцас зохино. Гэхдээ өө сэвээ далдлахын тулд өндөр суудалтай шорт болон өмд, богино цамц, футболк өмсөх нь илүү тохиромжтой.
Лийр 
Энэ нь цээж хэсгээрээ нарийхан, бэлхүүс болон тааз хэсгээрээ өргөн биений хэлбэрийг хэлнэ. Тааз нь мөрнөөсөө бага зэрэг өргөн байдаг. Биеийн галбираа илүү тэнцвэртэй харагдуулъя гэвэл өргөн өмднөөс зайлсхийж, нарийхан скинни өмд болон бие барьсан жижигхэн цамц өмсөөрэй.
Холбоотой мэдээлэл

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.